اللي بتضحك تدخل

[الشمس الشموسة]

ماتصدقوا ايش صارلي بولادتي الاولى والثانية الاولى من اول ماحملت وقريبة زوجي كل ماتجيني وهي تقول الله يعينك الولادة موت وراح يسووليكي توسعه طولها 20 سم والله لا يوريكم انا ميته خوف واقول لامي اللي تقوله لي وامي تقولي لاتسمعي لهذي الحرمه لان اغلب كلامها كذب لانه ايش المكان اللي بيشيل 20 سم اذا مرة 4غرز ولا 6 غرز وهذي الحرمه كل ماجت وراح زوجي وهي بدات المهم قلت يابنت مالك الا تدخلي النت وتشوفي ودخلت على طريقة الولادة بالفديوا وطريقة القص والخياطه والله اللي شفته او بمعنى اصح ربع اللي شفته لاني ما قدرت اشوفه كله من الخوف قلت احسن شي اني اقولهم يسوو لي عمليه اقل حاجة العملية ماتعور واكون مبنجه مدري ايش يسوا وايش يطلعوا المهم قلت ادخل على النت واشوف طريقة الولادة القيصري احسن يمكن اسهل والله اول ما بدا الفديوا واخذوا المشرط بيقصوا وانا اقفل الفديوا من الخوف واجلس ابكي واقول ياليتني ماحملت المهم ويجي موعد الولادة واروح المستشفى وهم يقولوا لسى 3سم تروحي وترجعي بعدين والا تجلسي قلت لها والله ما اخرج طبعا قريبة زوجي قالت لي اذا جاء موعد الولادة لاتتاخري روحي بسرعة لانه احتمال يطيح وانا الهبلة مفتحه اذني لها المهم دخلت غرفة الولادة اول ما دخلت وفيه وحدة بالغرفة اللي قدامي بتولد وجالسة تصرخ الحرمه والله فجعتني وانا الله لا يوريكم من الخوف حشرانة ابغى الحمام وخايفة اروح اخاف يطيح النونو وخايفة من الحرمة اللي تصرخ شوي سكتت الحرمه قلت اكيد ولدة الحين اقولهم ابغى الحمام المهم قلت لها ومسكتني وودتني الحمام اول ما جلست الله يكرمكم وهذي الحرمه تصرخ طلع الحمام بنفس غرفتها وانا ينزل علي ضحك من الخوف وافتح الباب وانا اضحك لاني انا اذا خفت اجلس اضحك والدكتورة تطالع في وتطالع في الكرسي الافرنجي تحسب ان النونو نزل واروح الغرفة المهم واولاد لما خلصت قالت بنوته حلوة قلت لها بس هذي هي الولادة وانا فرحانه مو مصدقة يمكن اللي سهلها لي اني كبرة الموضوع اكبر من حجمه اما بولدي الله يرحمه ويجمعني فيه قلت الولادة مافيه اسهل منها ولاني ماخفت كنت حموت فيه لدرجة انه لما كيس الجنين انفتح جلست ابكي حسبتها المثانة انفجرت لانه ببنتي هما فتحوه عني هذي تجربتي بالولادة ونصيحه لاتسمعوا لاحد ابدا الا امهاتكم لانهم صادقين ولا تنسو انه لك وحدة تجربه تختلف عن غيرها