مصدووومه

[جولي @]

السلام عليكم اخواتي هاذي اول مشاركه لي بختصركم قصتي انا متزوجه من ست سنوات وماعندي اطفال حملت اول سنه زواج وطيحته بعده سويت تنظيفات بعدها المهم سويت بعد كذا تلقيح صناعي مره وحده وطفل انابيب 3 مرات وماصار حمل ماالعلم ان تحاليلنا انا وزوجي سليمه وسمعت عن دكتور ممتاز ورحت عنده وطلب مني منظار مع المهبل وهنا كانت الصدمه قال انتي عندك الرحم مسكر من جهة اليمين ومن جهة اليسار صغير حييل يعني انتي بنص رحم ولايمكن يصير حمل على هاذا الوضع حتى ولو عملنا لك 10عمليات فالمطلوب ان احنا نسوي لك منظارين لنتاكد شنوى سبب تسكر الرحم منظار مع السره ومنظار مع المهبل في نفس الوقت فاذا كان تسكر الرحم من التنظيفات الي سويتيها قبل فالامر سهل سوينا لك عمليه وفتحنا الرحم واذا كان مسكر بسبب تشوه خلقي يعني تكونين بنص رحم فيه هاذا الوضع مااقدر اسوي لك شي وماتقرين تحملين ابداا بصراحه انا مضااايقه حيييل ومصدووومه من الي قالي الدكتور امانه يااخواتي من صار لها مثلي او سمعت مثل قصتي وحملت طمنوني الله يخليكم