عندك بيبي وفي اشياء ماتحتاجيها (مفرش تقديم _سرير_اغراض نفاس _جلابية) تعالي

[انا و انا]

للامانه الموضوع فكرة وحده من منتدى ثاني .... بس الفكره مره حلوه بما اننا كلنا حوامل او نفوسات يعني فيه المحتاج وفيه الي مستغني عن الاغراض ومو محتاجها ومسويتله زحمه في البيت ..

اخواتي الغاليات الموضوع مبين من عنوانه اي شئ ماعاد تحتاجينه اسدحيه هنا استفيدي وخل غيرك يستفيد لاتقولي مايسوي ابيعه حطيه هنا من باب تفريج الكربه علي مسلم .
مثلا لو ولدتي وجتك عربيات ومشايات وجلاسات واسرة جديدة اعرضيها هنا بالموضوع وقولي انها جديدة وحطي الصور ومثلا اشتريتي مفرش تقديم حلو والبيبي
كبر عليه اعرضيه هنا خلي غيرك ينتفع مثلا (اشتريتيه ب1200 اعرضيه ب400 احسن مايجلس بدولاب) مابي الموضوع يكون لي فقط ابي لكل الاخوات وحطوا اي شئ متعلق بالولادة (مفرش نفاس_مفرش تقديم_ملابس حمل_فساتين حمل_عربيات_اسرة_بيالات وفناجين النفاس _ترامس _غرف نوم الاطفال_جلابيات _شنط اطفال)
ورجاء وطلب خاص تفاعلوا و اذا حسيتي ان السعر مايسوا بيعته تذكري اننا بندعي لك بظهر الغيب لانك فرجتي كربتنا استفيدي وافيدي غيريك
ولو حابين تأجرون مفارش نفاس حطوا صورها واذكروا سعر الايجار الي تبونه

واتمني اي وحده تبي تعرض شئ هنا تحط هالنصائح نصب عينيها يعني هي مو غصب الأفضليه انكم تتبعونها حبذا يعني
يعني يفضل الآتي لعرض السلعة (يفضل وليس الزامي)
1 ذكر مكان المدينه
2 ذكر حالته الشئ ( ممتاز_جيد _متوسط)
3 ذكر سعر الشراء ان علم
4ذكر المبلغ المراد بيعه
5 ذكر وسيلة التصال عن طريق الرسائل الخاصه او السوم عن طريق العام
6 سعر البيع 30% من سعر الشراء او التقدير يعني نزلي ثلثين سعره الاصلي
(يعني مو تجي وحده شاريه سرير 550 تبيعه 500 تنزل بالسعر لانه مستعمل اما الجديد الي بقراطيسه تحط سعر مناسب)

وشكرا جزيلا لكل وحده دخلت واعطت الموضوع قليل من اهتمامها واتمني ان الموضوع يلاقي اقبال وينتفعوا كل الاخوات واعطوني ارائكم بالموضوع واي اقتراحات قولوها
واحسن مانجلس ندور ونفرفر خلنا كلنا بموضوع واحد نعرض اشيائنا طولت السالفه وهي قصيره يلا مابي اطول عليكم
والسلام عليكم ورحمه الله وبركاته
تقبلوا موضوعي وياريت يتثبت علشان كلنا نستفيد