قصة حملي قصة

[ام الجازي]

بسم الله الرحمن الرحيم
مسائكم ورد وفل وياسمين لأحلى الحلويين
كيفكم ياحوامل واللي ماحملو بعد لا تزعلون
قصتي في حملي قصة
أنا ولله الحمد حامل لكن ماادري كم لي حلوه صح؟؟
في شهر 4 رحت لمستوصف العالمي لإنو قريب عند بيتي
والدوره تأخرت يومين وشكيت رحت عملت تحاليل
للهرمون وقالت الهرمون مرتفع وبعد الدوره رحت لها اسوي سونار
عشان تشوف البويضه وقالت البويضه صغيره ومستحيل يصير حمل
والبويضه صغيره والهرمون مرتفع عطتني حبوب للهرمون وكتبت لي منشط كلوميد
للدوره الجايه وقبل اطلع من عندها كنت متضايقه من كلامها قلت شوفي
مافي شي على الله كايد ولا مستحيل والله العالم مو انتي تقولين مستحيل
طلعت من عندها وكنت ابكي واقول الله اذا اراد شي يقول كن فيكون
واقول لزوجي وتضايق وقال ماعليك من كلامها لله العالم وتوكلت على رب العالمين
وقلت لزوجي اشترلي عسل اصلي وطلع النخل ولقاح النحل مو متأكده من اسمه
المهم خلطتهم مع بعض فوائدها تنشط المبايض وتقوي حتى الجماع تصير الوحده
قويه استخدمته اقل من شهر ماشاء الله تبارك الرحمن اللهم لاحسد
ومع قيام الليل والدعاء عند المطر والاستغفار الدائم الشهر اللي طاف يعني 5
كنت عند اهلي تعبانه كان معاي الله يكرمكم اسهال واستفراغ ولا ادري وش السبب
وقبل الدوره بيومين رحت الصيدليه وشريت تحليل للحمل كنت شاكه بالحمل
وحللت الصباح وطلع لي خط غامق وخط خفيف انهبلت قمت من الفرحه اسجد لربي
وابكي ورحت في المغرب عشان اتاكد للمستوصف وعملت تحليل وطلع حمل والحمد
الله على هالنعمه من الفرحه راح التعب بعدين رحت لمستشفى قوى الامن عشان اتابع عندهم احسن عملو لي تحاليل شامله وموعدي القادم في شهر 7 الله يحينا لذاك اليوم
واذكرو الله اذا قريتو لا تحسدوني لإني عانيت سقطت قبل كذا وجلست 7 شهور بعد التسقيط وادعولي الله يثبت حملي وييسر لي حملي وولادتي ويحفظه لي من كل شر
والله يرزق كل محرومه بالذريه الصالحه اللهم اميين