كل اللي عندها تكيس تتفضل

[*رحمه*]

السلام عليكم و رحمة الله و بركاتة

انا حبيت اعمل موضوع يفيد الناس اللي عندهم تكيس
طبعا كلنا عارفين ان زيادة الوزن من العوامل المهمة التي تسبب التكيس
و كل ما قللنا اكلنا و انقصنا من وزننا انشاء الله التكيس يخف و الهرمونات تتظبط و كمان البويضات تتحسن مما يساعد على الحمل بإذن الله
و انا عملت الموضوع ده عشان كلكم تتفاعلوا معايا هو الموضع بسيط كل واحدة فينا تكتب وزنها و طولها و نتابع بعض اننا نزلنا من وزننا كل اسبوع طبعا الموضع ليه هدفين الاول اننا انشاء الله كلنا نحمل و الهدف الثاني اننا نشجع بعض عشان نخس بجد و اتمنى كلكم تشاركوا و نفعل الموضوع لتعم الفائدة و كمان اللي عندها معلومات تضيفها ليستفيد الجميع انشاء الله
طبعا عشان نعرف نخس قد ايه مهم كمان نعرف كتلة الجسم قد ايه
و دي بتتحسب بمعادلة سهلة قوي

دليل كتلة الجسم = وزن الجسم بالكيلوجرام \ (الطول بالمتر × الطول بالمتر)




انا هبدا بنفسي

الوزن = 102 كجم ، الطول = 165 سم

= 102 \ ( 1.65 * 1.65 )
= 37.5




اذا كانت النتيجة

1. اقل من 20 وزن نحيف
2. بين 20-25 وزن طبيعي
3. بين 25-30 وزن زائد
4. اكثر من 30 سمنة مفرطة

طبعا دلوقتي عرفتوا اني انا بدينة جدا بس ده قبل ما اعمل ريجيم يلا كلنا نبدا و كل واحد تحدد لنفسها هدف عشان انشاء الله كلنا نخس
و اللي مش هيشارك حتى يشاركنا بالدعاء