صبغة الشعر وتشقير الحواجب للحامل .. موضوع للنقاش

[سلوان]

السلام عليكم ورحمة الله وبركاته

مره كنت اتصفح بالنت وكتبت في قوقل عن صبغة الشعر والحمل

في بمنتديات ناس تقول عادي مايضر الجنين ... وفي ناس تقول يضر

وفي ناس تقول بس الشهور الاولى خطر على الجنين وبعد كذا عادي

حبيت انزل هالموضوع بمنتدانا عشان نشوف رأي الكروشات والعسولات

انا من زمان اسمع انه الحامل ماتصبغ ولا تشقر حواجبها

لانها مواد كيماويه وتأثر على الجنين .. وحتى زوجة عمي مره

راحت صالون تبي تشقر حواجبها صاحبة الصالون لاحظت انها حامل

قالت لها انتي حامل كيف تبغين تشقرين حواجبك؟؟

زوجة عمي استغربت قالت لها ليش ممنوع لانها ماكانت تدري

قالت لها يضر الجنين ياقلبي مقدر اشقرلك انا ..

......

انا رأئي .. ان الجنين نعمه من الرب لازم نحافظ عليه

وش يعني لو الوحده ماصبغت شعرها ولا شقرت بفترة الحمل

ماظنتي ان فترة تسعه شهور كثيره على نعمه ربي رزقني هي

في رحمي

يعني في كثير يتمنون الحمل ومستعده ماتصبغ للابد عشان تسمع كلمة ماما

واللي ربنا يرزقهم الحمل يتهاونون في اشياء كثيره المفروض يحرصون عليها في فترة الحمل بالذات

...

ابي اسمع رأئي الكل ومنو مؤيد لصبغة الشعر والتشقير فترة الحمل..؟

ومنو اللي سألت دكتوره وقالت لها عادي مايضر ..؟

خلونا نفيد بعضنا ونستفيد

مع حبي ..