قصت صديقتي ام عبد الرحمن

[كررررررررررشه]

السلام عليكم ورحمة الله وبركاته
حبيت انقل لكم قصت صديقتي ام عبد الرحمن علشان كل وحده فينا يهوووووووووووووون عليها أي جرح مر عليها في حياتها
ااااااااااااااااااااااااخ
ام عبد الرحمن صديقتي من ست اشهر بس زوجها زميل زوجي في العمل
عمرها 23 سنه عندها ولد وبنت محترمه وخلوقه وكريمه وماشاء الله اذا ناظرت في وجهها احس في نورررررررررررر يشدني لها ما اقدر اشيل عيني عنها
ودايم على الموضه والذ من طباخها ما اكلت وانضف من بيتها ماشفت حتى عيالها تربيتهم خيااااااااااااااااال تصورو بنتها عمرها سنتين اذا جت تاكل تسمي واذا شبعت تقول الحمد لله
تعلقت فيها مره وصرت كل يوم اكلمها في التلفون او الماسنجر تزورني دايم وزورها يازين ضحكها وسوالفها والله لو عندك هموم الدنيا تنسينها بكلمتين منها
كنت اذا ضايقني زوجي افضفضلها دااااااااااااااااايم ومره سالتها وقلت وشلون ابو عبد الرحمن معك قالت
هذا عمري وروحي والله اني لو يموت لي 10 عيال ولا افقده لحضه
قلت وش هل الحب ياعينننننننننننننننننننني
قالت واكثر بعد
هذا الكلام كان الاسبوع الي طاف
انشغلت شوي بختي الي جات من السفر وجلست تقريبا 3 ايام ماكلمتها
ويوم جيت ابتصلها كان رصيدي تقريبا مخلص ف رنيت على زوجي علشان اقوله يشحنلي سالني ليش تبين شحن قلت بكلم ام عبد الرحمن قال ماله داعي تدقين بكرى بتشوفينها قلت ليه
قال زوجها عازمنا بكرى عندهم عشاااااااااااااا طبعا انا ما خطر على بالي اسال ايش المناسبه
جا زوجي باليل وجلست انا وياه نسولف وفجاه سرح شوي وقال
والله ابو عبد الرحمن طلع قد كلامه قلت ليش قال كان يقول بتزوج 4 والشباب يتريقون عليه ويقولون له انت يكفيك نص حرمه ويمكن تموت هذا هو خذا الثانيه
انصدمتتتتتتتتتتتتتتتتتتتتتتتتت بجد وعيوني دمعت كنه زوجي الي تزوج قالي زوجي وش فيك ماجاوبت
رحت انام بس ماجاني النوم وانا اعد الدقايق عشان اشوف ام عبد الرحمن
جا يوم العزيمه ورحنا لهم افتحتلي الباب الخادمه قلت وين ماما قالت تصلي ودخلتني المجلس وفجاه دخلت وحده قمرررررررررررررررررررررررررررررر قالتلي هلا والله قمت وسلمت وانا في قلبي ابكي على صديقتي جلست الحرمه وقالت انا زوجت ابو عبد الرحمن الثانيه قلت ادري مبروك قالت الله يبارك فيكي بعد ثواني دخلت ام عبد الرحمن اااااااااااااااااااااخ
العيون منفخه وحمره الوجه اصفر ذابل واول مالمحتني طالعت في الارض عرفت انها ماتبي تطالعني علشان ماتبي تبكي
سلمت عليها وجلسنا
طبعا الحرمه الثانيه بدت تسولف معي وانا كنت يالله اتكلم معها تسالني وجاوبها وقلبي مع ام عبد الرحمن
قامت ام عبد الرحمن قلت وين قالت بجيب القهوه قلتلها بجي معك ابكي بسالفه وقلت لضرتها عن اذنك شوي وطلعنا واول ما دخلنا المطبخ امسكتني ام عبد الرحمن وبدت تصيح وانا اصيح معها الين مابدت تهدى وفجاه سكتت انا حسبت انها هديت لاكنها ثقلت بين يديني وبديت اصرخ ام عبد الرحمن اش فيكي راحت الخدامه ونادت زوجها نزلتها على الارض ورحت لبست عباتي وورجعت للمطبخ لقيت زوجها وضرتها والخدامه على راسها يحاولون يقومونها لاكن ماترد
جا زوجها ورفع راسها علشان يشربها مويه لاكن كانت الصدمه بدا الدم ينزل من خشمها رحت اركض عليها وقلت لزوجها لازم نوديها المستشفى طبعا هي مالها احد بالرياض من اهلها ف زوجها طلب من زوجي اني اروح معها وزوجي وافق ووصلني للمستشفى معها دخلت التنويم ومحديدري ايش فيها ارتفاع في الضغط بسسسسسسسس
صحيت ثاني يوم لقتني جنبها قلت سلامتك يالغاليه قالت الله يسلمك وين ابو عبد الرحمن قلت مادري قالت عطيني جوالك دقت عليه وقالتله يجي
جا الرجال ويوم وقف قدمها هو وزوجته قالت كلام عمررررررررررررري ما انساه
قالت احبك يا محمد وعلى كثر ما احبك جرحك كبييييييييييييييييييير قال افااااااااااااا انا جرحتك انا ماسويت شي حراااااااااام هذا امر الله قالت انت مو بس جرحت غدرت فيني نكرت اخلاصي وحبي لك باي حق تدخل وحده غريبه بيتي وتسمحلها تشاركني حبي واحلامي وحياتي
في كل مره تدخل عندها حجرتها امووووووووووووووووووووووووت مليوووووووووووووووووووووون مره
تدري ليش
قال غيرانه
قالت لا والله
لاني ادري ان الكلمه الي كانت سبب سعادتي الي كانت تحسسني باني اجمل وحده بدنيا تنقال لوحده غيري
بس خلاص انا ماعاد لي قلب يحب ولا اقدر استحمل بعدك عني ياتبعد مرررررررررررره ياتقرب مرررررررررررررررررره قال ايش قصدك قالت ياتطلقني ياتطلقها قال انتي مجنونه قالت انا اللحين عقلت طلع زوجها وانا رجعت البيت
وبعد فتره وصلني الخبر من زوجي قالي انها راحت عند اهلها وهو رفض يطلقها او يطلق الثانيه
ووصلو لحل وسط
قلت وش هو قالي زوجي
انها راحت المحكمه والقاضي مارضى يطلقها علشان كذا اسقطت هي حقها في كل شي حتى المبيت والنفقه وستاجرلها بيت يروح لهم كل اسبوع مره بس ويصرف عليهم بس ما في بينهم أي علاقه
ويقولي ان زوجها مره متحطم وندمان ويقول لزوجي تكهرني والله حتى تتقرف تسلم علي والله اتمنى تردلي وكل ما اقولها ارجعيلي تقول انا ما انزل نفسي واشيل شي طاح من عيني
وبسسسسسسسسسسسسسسسسسسسسسسسسسسسسسسسسسسسسسسسسس