باركولي ولدت ..

[جلنار2]

بسم الله الرحمن الرحيم


الحمدلله ولدت يوم الاحد 23/1 /1433هـ

طبيعي ولله الحمد والمنة..



وهذه قصتي ومعليييش ع التأخير يا كروشااات صفر


يوم السبت كان عندي موعد عند الدكتورة الساعة وحده الظهر كشفت علي

وقالت الرحم مفتووح واحد سم وقالت مو رايحة تطولين ..

وكمان قامت تقولي عن اعراض الولاده ومتى مفروض ارووح المستشفى

وعن الاشيااء اللي بتحفز الولاده اللي هي :

الاعراض :
×نزول السداده
×نزول الموية >>قالت اذا نزلت الموية ع طول تعالي
×الم في الظهر وفي البطن يجي ويروووح ويكون منتظم


متى اروح المستشفى : اذا كان الفاصل الزمني بين الالم خمس دقايق

الاشياء اللي بتحفز الولادة : التمر والجماع


طيييب ..المهم زوجي ما راح معاي الموعد دقيت عليه وقلتله تعال خذني

وكنت مره فرحانه عشان الدكتوره قالت ان الرحم مفتوح ومو رايحة اطول

واحنا في الطريق قلت لازم نحتفل بمناسبة الجميلة ولفنا على باسكن روبنز

واخذنا آيس كريم من الحجم الكبير هههههههههههههه




المهم وصلنا البيت ع العصر وقامنا نمنا >> عاد افهموها

ع المغرب قال زوجي يلا السوق خلينا نفلهااا شوووي قلت يلا

مع اني نعسااااااااانه مره بس ما حبيت اكسر بخاااطره



روحنا السوق وانا امشي كنت احس بضغط ع المثانة مو طبيعي

ع طول ع الحمام الله يكرمكم ورجعت امشي واحس بالضغط يروووح

ويجي بس كنت مطنشه الموضوووع


فرينا السوق وبعدين رحنا الكوفي وقعدت وزوجي راح يطلب ..

كل شووي يزيد الضغط وانا مو مستوعبة الموضوع ما قلت لزوجي

بس قلت له يلا ابغى البيت احس اني تعبانه وفيني نوم


واحنا طالعين من السووق قال زوجي خلينا نطلع الدور الثاني في

محل عود وعطوور وانا كنت متألمة مره وساكتة قلت له لا يلا نرووح

البيت احسن وكنت مره مصره قمنا خرجنااا >>الحمدلله

ركبنا السيارة وطووول الطريق وانا ناااااااايمة واذا جاااء الالم اصحى

ويلا ع هذا الحال ..


وصلنا البيت طااار النوووم والالم زاد قلت لزوجي عندي آآآآآآلااااام فظيعة

قالي يمكن من المشي لاتخافين ..

المهم هو نام وانا كل ما اجي اتمدد ع السرير يزيد الالم واذا قمت خف

جلست ع النت وكل ما جااا الالم اقووم واتحرك في الشقة لين يرووح الالم

وارجع اجلس تقريبا من 9 المساء لين 5 الفجر (بين الالم والالم ربع ساعة تقريبا)

وكمان احس اني ابغى الحمام الله يكرمكم حشرانه كل دقيقة وانا فيه ولاينزل شيء



ع صلاة الفجر ما قدرت اجلس احس مره جسمي ثقل والالم لايطاق وتعبت من روحه

الحمام ع الفاضي وصار الالم منتظم كل 4 دقايق


قمت استوعبت قلت اكييييييييد هذه ولاده رحت يا طويلات العمر

سخنت موية واستحميت فيهاااا وشوووي ينزل علي افراز مخاطي شفاف

فيه شووية دم ..

رحت جري عند زوجي اقوومه وقلت له يلا ع المستشفى قال يلا..

رحنا الطوارئ كشفت علي المناوبة قالت لسه واحد سم

وركبولي تخطيط من ساعة 7 لين الساعة 11..

وتخيلوااا الالم اختفى او بمعنى اصح الطلق خف وبرد

صار يجي مره بعد 30 دقيقه ومره 10 دقايق من الطلقة الاولى ومره 15 دقيقة


يعني صار كاذب


جت الدكتورة كتبت لي خرووج وقالت لي لاتجين لين يصير الالم منتظم

روحي البيت نامي واذا ما تحملتِ الالم لين المغرب ارجعي لنااا احنا فاضيين

ما ورنا حاجة ..


رجعت وانا مستغربة كيف الالام اختفت وبطني مره متحجر ومشدود..

والله يهدي زوجي رجعني من طريق كل مطبات وانا اقوله خذ المطب بشويش

كسرت ظهري وكل ما اخذ مطب يرجع الالم ويقوى ..


وصلت لباب البيت الا والمفاجأه انفكت موية الجنين

ورجعنا في طريقنا للمستشفى واستقبلووني الطوارئ وانا توني خارجه من عندهم

من ساعة هههههههههه


ركبولي التخطيط وكشفت علي الدكتوره وقالت لسه واحد ..

وقعدت ع التخطيط ساعتين مره انااااام ومره اقووم واقلهم تعالوا

فكووا التخطيط مضاايقني .. وهم مطنشين ..

ومره افكه وتجي السستر تركبه وهي ساكته (والله انها اخلااااااق ما ضربتني ) : )




الساعة وحده الظهر جت الدكتورة تقيس ولقته 4 سم وقالت خلااااااااص
ولاده ..
غيرت ملابسي ورحت غرفة الولاده وركبولي مغذية وسالوني عن ابرة الظهر
اذا كنت ابغاهااا ..
قلت لهم لا ..



بدا الجد اعطووني كمامة وحطوا في المغذية ابرة مسكنة وضربوني ابرة في
الفخذ ..


ولمى تجي الطلقة يقولون ادفعي وانا ادفع بس للاسف ماعرفت للدفع

ويعلموني وكمان ما عرفت (مره ادفع ومره اشد )

ويصيحون علي لاااااااااا تشدين ,ومافي فااااااااااااايدة هههههههههههه

ولمى ترووح الطلقة يقولون ارتاااحي

قالت لي الدكتورة اذا ما دفعتي كويس لااااازم نجيب الشفاط

لان شعر البيبي باين خلاص ادفعي وقت الطلقة وقلت لهااا طيب

ويلا تقريباً 7 دفعاااات وصاروا يضغطون ع بطني من فوق

وشقتني الدكتورة وطلقة اخيرة وشوي الا حبيبتي ع صدري ×هديل ×

ويدوووب ثوواني وانا في عااااااااالم ثاااااني <<في سابع نومه

واللهم لك الحمد حمداً كثيراً طيباً مباركاً فيه

اللهم لك الحمد

اللهم لك الحمد

اللهم لك الحمد

,,