لو كان نفسي في بنت وطلع ولد

[ام عمـر]

بسم الله الرحمن الرحيم

السلام عليكم ورحمة الله وبركاته

عندي سؤال محيرني ومش مريحني ومطير النوم من عيني وقالقني جداااااااااااااااااااااا والله العظيم...هو انا لو كان نفسي في بنت وطلع ولد اكيد في السونار وزعلت من جوايا مع تسليمي بان كل ما عند الله خير ....يبقى انا كدا بعترض على ارادة الله؟....والله انا بكتب وببكي لان الموضوع دا مدايقني جداااااا ومش عارفه اعمل ايه ...ومش عارفه اخرج من الحاله النفسيه السيئه دي خالص....مش عارفه انام حتى....معرفش غلطتي اني صدقت قلبي واحلامي واقتنعت بيهم تماما ....انا مخنوقه لاني متدايقه من ان اللي جي ولد ان شاء الله....حسه اني حظلمه لاني متعلقه جدا بعمر ابني وكنت حسه لو ربنا كرمني ببنت حعرف اعدل بينهم...وكمان عشان موقف سئ حصل لجارتي والفرق بين عمرابني والكفل الجي نفس الفرق بين ولديها وواحد فيهم توفى السنه اللي فاتت....وكمان في مولودين في نفس الشهر بس مع اختلاف الايام والسنه....انا اسفه على الاطاله بس والله نفسيتي متدمره ...انا والله مقتنعه بان كل ما عند الله خير ...بس مش بقالي نفس اروح اشتري حاجه للبيبي...ربنا يخليكم متقولوش عليا قلبي قاسي او ام وحشه...كفايه اللي انا حسه بيه والله...ربنا يكرم الجميع
صحييح..حد عنده طفلين ولدين ؟...بيبقوا حلوين مع بعض؟عايزه حد يطمنني

واسفه وجعت دماغكم بس والله بفضفض وحسه انكم ناس حلوين اوي وطيبين وممكن تفدوني ونصيحتكم حتبقى من قلبكم :)