متضآآآآآآيقه وابي حل عشان يوافق زوجي

[أإأم ع‘ـــزُوـوزُ]

بسم الله الرحمن الرحيم

السلام عليكم \

اخواتي انا مالي بعد الله الا انتم فساعدووووني

الله يسعدها اللي تساعدني ولو بدعاء

انا وزوجي ولله الحمد متفاهمين مع بعض وراضين وامورنا طيبه وكل شي تمام هو يحبني وانا احبه

بس مشكلتي الوحيده مايوديني عند اهلي وقت ابغى

اهلي بالرياض وانا بجده

اول ماتزوجت قعدت 9 شهور حملت وتوحمت وتعبت بالوحام وترجيته يوديني فترة الوحام

المهم وانا بشهري الثامن قال خلاص بوديكي تروحي تولدي ورحت من ماتزوجت قعدت 9 شهور امكن لو ماحملت مارحت لاهلي

دائما يقول ضروفي الماديه ماتسمح لي بالطياره وضروف شغلي مع ان زوجي راتبه حلو ويكفي بس اهله يتامى وهو قايم فيهم ولهم راتب ابوهم المتوفي المتقاعد بس مايكفيهم

دائما يقولي اذا سمحت الظروف

رحت وقعدت 3شهور ولدت ونفست عند اهلي ومن بعدها مارحت اهلي مره متشوقين يشوفون ولدي

صار هم كل بعد فتره يجون عشان يشوفون حفيدهم

ظروف شغل زوجي صعبه وهو مرتبط بكليات اخواته لانه هو يوديهم ويجيبهم

اللي قاهرني عزى جدي ابو ابوي ماقدرت اروح قالي مااقدر شغلي وظروفي الماديه وماعرف ايش قام يتحجج

من اول زواجي ماوداني بس عوضني 3 شهور قعدت عند اهلي

والحين ولدي صار عمره سنه وشهرين ومارحت وانا بجده اعرف متزوجات يروحون كل اسبوعين ومتزوجات كل 3 او 4 شهور

ما زوجي حتى عزى جدى الاهو عزى ببيت اهلي اقوى ظرف مارحت

والحين زواج بنت عمتي اللي هي اعز واغلى اخت قرب وقفت بزاجي من الاف الى الياء تركت جامعتها وساعدتني

وابغى اروح ونفس الوقت ازور اهلي وش اقوله وش اسوي

وعلى فكره فيه حساسيه بين امي وامه امه ماتحب امي دائما تتكلم عليها وتكذبها يعني تقول كلام امي ماقالته يعني لو التجأت له تقعنه مافي فايده

وزوجي يصير ولد عم ابوي يعني نفس العائله

قولو لي وش اسوي وش اقوله

هذا حقي متى ما ابغى اروح لاهلي اروح فيه باصات وسيارات اقل كلفه من الطيارات بس مايحب يحب طياره انا ضحيت عشانه وصبرت كثييييير هو ليه مايضحي

امنيتي احضر الزواج

معليش طولت معكم بالكلام بس ها الموووضوع مضايقني مررررره ..