صحيح اسلوبه يقهر
ماعنده اهتمام ابد
بس مانقدر نعطيك رساله تهزه عدل لان مانعرف شخصيته
كل وحده بتكتب لك رساله تأثر بزوجها مو زوجك
اولا ولاهم صحتك وصحة اللي ببطنك
خلي الكرامه ع جنب الحين اذا ماعندك احد يوديك اطلبي منه
النزيف اللي ينزل معك ممكن يعرض الجنين للخطر ولاصار شي بتندمين انتي مو هو لانه واضح ماهمه الوضع او يمكن عنده مشاكل وضغوطات عمل الله اعلم مابنظلمه
بس فكري في الجنين حرام يروح تعبك كل هالاشهر
امي اذا شافتني زعلانه ولا متضايقه ولا اصيح وانا حامل
تعصب علي وتقولي شنو ذنب الطفل يطلع معقد ومكشر
وانتي حامل شيلي الرجال من عقلك وفكري بس في جنينك
اذا ولدتي سوي اللي تبينه
وبعد الحامل حساسه مره وللأسف بعض الرجال مايحسون
واذا زوجك عديم إحساس لاتعبي قلبك وطنشي لين تولدين وريه نجوم الظهر
بس تكفين لاتضايقين نفسك واهتمي بصحتك
وعندي لك طرق سويها
مدامه مسوي نفسه زعلان انتي سوي نفسك الوضع عادي وريلاكس وولا كانه صار شي
اجلسي ع التلفزيون وأكل لك فوشار وشغلي لك فلم كوميدي واضحكي من قلب
خل يعرف وجوده وعدمه واحد
واذا صار فاضيي وجالس بالبيت اتصلي ع اخوك ولا اختك وقولي لهم يودونك المستشفى ولا اي مشوار
بيستغرب انك ماطلبتي منه ويمكن يسألك قولي كل مره تقول مو فاضي لك فما ضيعت وقتي أسالك
أكشن بس لاتطلعي
خل يحس انه ولا شي شو فايدته زوج اذا ما يقوم بمشاويرك
وانا شخصيا ماحب احد يوصلني الا زوجي احسه ارتب لي مو حلوه اصلا
وان شاء الله تنصلح أحوالكم
ترى تجي الزوج نفسيه ساعات بعدين يرجع احسن من قبل
مالنا الا الله والصبر