اليوم 12 من الابرة واعراض غريبة فهموني

[ضي القمر 3]

السلام عليكم ورحمة الله وبركاتة

بصراحه شدني المنتدى بشكل كبير
والله يجازي كل من قام عليه ومن يرد على كل الاستفسارت خير الجزاء
خاصه ان الوحده بحاجة لوحده ثانيه تكلمها وتعلمها

مثل ماهو مبين بالعنوان :

هل انا حامل اولا
مع انه مو اول حمل لي لكن بما أني ماخذه ابرة تفجيرية صاير كانه اول حمل لي
بقولكم معلومات عني وعطوني التفسير لها حمل ولا هرمون ولا ايش بصراحه مره تعبت
ونفسيتي مره متأزمه

هل انا حامل
1- موعد اخر دورة شهرية لك ؟
12/ 5 / 1433 هـ
الحمد لله ياربي دورتي منتظمه كل 25 يوم تنزل علي
اخذت للشهر الثاني ابرة تفجيرية بقوة 5000
واليوم لي 12 يوم من اخذتها

كنت اعاني من الارتفاع بالهرمونات وتعالجت منه الحمد لله ياربي
بعد يومين تنزل الدوره اواحلل واكون حامل بأذن المولى

حسيت هالمره بشيء غريب اول مااخذت الابرة حسيت بالم يومين بعدين العكس صرت مره خفيفة ولا حسيت بأي شي لمدة 5 ايام
بعدين صار ينزل معاي الله يكرمكم خيوط بيضاء مع البول استمرت للحين ، ورجع
الم بأسفل ظهري وبطني وغثيان بسيط وعصبية شديده وضيقة خلق مره ، ودي بس ابكي
والشيء الغريب الي صار لي انه من بداية الابرة وصدري كل يوم يتحجر اشد من اليوم الي بعده ، لحد اليوم 11 خلاص خف التحجر مره وصار لين .

ماادري بصراحه مره احترت ، خفت اسوي تحليل ويصير للحين اثر الابرة موجود
انتم ايش رايكم

الي ماعندها اي اجابة ياليت تدعي لي ان يرزقني بحمل سليم معافي (بتوأم ذكور )سليمين حسنين الخلق والخلقه تامين مع العفو والعافية
يارب ولكل من دعت لكي بالمثل بأذن الله