تجربتي للولاده بسليمان فقيه

[مهره الدنيا]

بسم الله الرحمن الرحيم

حبيت انزل ها الموضوع لكل وحده تحب تستفسر
عن الولاده في مستشفى سليمان فقيه

اول شي الله يسهلكم ويقومكم بالسلامه

في يوم 21 رمضان حبيت أدلع شوي على زوجي
قلتله تعبانه شوي
قالي يا الله نروح طوارئ
نطمن وصمم اتحضرت ولبست ورحت وصلنا المستشفى
الساعه 6 الفجر ودخلت طوارئ وطلعوني قسم
الولاده بسرعه وانا قاعده اضحك على زوجي
والممرضات يفكروني ولاده
دخلوني غرفه للملاحظه خاصه لوحدي ومعي زوجي
كشفت علي الدكتوره من اسفل قالت لي مفتوح 1
اتفجعت قلت يكذبوا علي يبغوا يولدوني
ركبوا لي جهاز التخطيط قالتلي
عشان نشوف لو الطلق بارد تروحي البيت وبعدين
ارجعي ولو حاااار تنويم ولاده
ارتحت شوي قلت راح ألقى مخرج واهرب
بعد ساعه جات الدكتوره لقته مفتوح 3 والطلق
حاااار ما شاءالله قالتلي تنويم وولاده
وانا ابكي وأقول لزوجي أبغى أمشي قاعدين
يكذبوا لسه مو ولاده وماهو راضي
شوي جات الدكتوره تسألني شويه اسئله
وقالتلي تبغي ابره الظهر او كمانه ومهدئات
قام زوجي حبيبي الاجابه قبلي وقال
ابره لالالالالالالالالا
اعطوها كمامه ومهدئات ووقعت على شويه ورق للولاده
بعد كذا اخذوني غرفه الولاده وانا ماشيه
رجولي مو شايلتني من الخوف كإني رايحه
حكم الاعدام وبس ابكي وزوجي ميت ضحك علي
وأحلى شي غرفه الولاده كبيره وخااااااااصه
وممرضه خاااااصه لي قاعده في الغرفه جنبي
وزوجي حبيبي قاعد يستقبل مكالمات تهنئه
وأحلى شي باب الغرفه كاااااتم للصوت
وبدأ الالم يشتد وبدأت الممرضة تعطيني الكمامه
والمهدئات وارتاح شوي وأنام
وانا وقت الالم اقول لزوجي لاتنسى تزين الغرفه
خاااايفه ينسى وبعدها الالم زاد وانا احس بشوي
الم وأنام بسرعه وماحسيت الا الدكتوره تقولي
دفي راسه مبينه ودفيت وماحسيت الا البيبي يصيح
أدور عليه لقيته وراي في سريره
لقيت زوجي حبيبي بجنبي قالي خلاص ارتحتي
قلتله الحمد لله بس باقي الخياطه وخايفه مررره
قالي خيطوتي وخلصتي بس باقي تطلعي
الغرفه
وشوي دخلوا 3 دكاتره أطفال يكشفوا على البيبي
من الى قبل خروجه من غرفه الولاده
والحمد لله طلع سليم ماشاءالله
وقعدنا ساعتين تحت الملاحظه وطلعت غرفتي
انا وحبيبي ولدي وكانت احلى ولاده لي
في سليمان فقيه لقيت دلع واهتمام من
الممرضات وهذا كله تساهيل من عند ربي

وان شاءالله اكون خفيفه على قلوبكم وأي استفسار
انا تحت أمركم