خايفه يكون اجهاض الدورة بتنزل علي قطع كتييير

[orchidia flower]

السلام عليكم حبيباتي..اتمنى تكونو بخير وعافيه ..انا الصراحه جديده هون من يومين اكتشفت منتداكم وحبيته وقررت اشارك فيه واعرفكم عن حالي وعندي شغله ابي استشيركم فيها

انا صارلي متزوجه 3 شهور ونص تقريبا ونا عايشه باوروبا يعني غربه ومالي حد والوضع كتير جديد علي ..المهم كنا انا وزوجي متفقين نأجل موضوع الخلفه لبعدين شوي عشان الوضع جديد وغربه وهيك يعني..المهم من شهر ونص حنيت للاطفال خصوصا اني وحيده وزوجي دكتور وبشتغل كتير بناوب 24 ساعه مره كل اسبوع فحسيت انو جا الوقت الي نجيب بيبي اهتم فيه ويسليني..لكن زوجي رفض وقال لسه بكير وضليت ازن عليه لحتى وافق ..بس قال اول لازم اسوي فحوصات دم عشان نتأكد كل شي تمام..وسويت وطلع عندي نقص في مخزون الحديد والحين باخد حبوب حديد بس هاد مش مشكله..
المهم هالشهر تجامعنا لعده مرات بدون حواجز وقبل فتره الدوره بعشر ايام صدري كبر بشكل مش طبيعي وانتفخ وصار كتير يوجعني وحساس كتير وزوجي صار يقولي شكلك حامل ونا اقول ان شاء الله يارب..لكن مارضي نسوي فحص الحمل ..قال تتأخر الدوره اول وبعدين نسوي..واستمرينا بالجماع على الايام التوالي حتى يوم 9 هدا الشهر ويوم عشره الي هو مبارح من الصبح نزلت الدوره مره حده وكنت حاسه بالم فظيع بضهري وبطني لدرجه اني كنت ابكي ..وقلت قدر الله وما شاء فعل مع العلم الدوره المفروض تيجي ب 13 الشهر..بس اليوم بديت اقلق..لان الالم مستمر وبتنزل علي قطع كتييير ونا مابيسير معي هيك عاده..في العاده تقعد نص يوم او يوم لين ماتنزل الدوره وماينزل قطع وكمان الالم بس ساعتين تلاته مو اكتر ..مابعرف خايفه يكون اجهاض او شي متل هيك ..قلت لزوجي هو مناوب اليوم بس دكتور باطنه فما بيفهم كتير بالنسا والولاده فقالي رح اسأل دكنوره نسا ووللاده وازا لزم الامر بتيجي..وقالتلو الدكتوره انو عادي ومافي خوف وحاله طبيعيه وانو استنى لاخر الاسبوع واشوف شو يسير معي..بس انا لسه قلقانه

الله يجزيكم الخير..الي عندها خبره او معلومه تحكيلي لاني لساتني صغيره ومابعرف كتير وماجربت قبل..
والله يوفقكم ويرضى عنكم