بنات والله تعبت تكفون اعطوني رايكم بصراحه

[للوشة]

السلام عليكم ورحمة الله و بركاته
بنات انا من زمان ما دخلت منتديات والحين سجلت بس عشاني حسيت إن فيه احد بيفهم وش اشتكي منه بالضبط
انا متزوجه صار لي تقريبا سنتين إلا ثلاث شهور. ما اخذت موانع حمل. بس بحكم نقلي من منطقه لثانيه و من دوله لثانيه ما كان فيه راحه نفسيه . وكنت زي كل حرمة متزوجه ابي يجيني عيال وتعبت وتعبت زوجي معاي لأني كل شهر احلل وما يكون فيه الا نتيجة سلبية و الحمد لله على كل حال
طبعا لما جيت لها الدوله ارتحت نفسيا و اقنعتني امي وصديقتي إني اجرب الكلوميد وجربته لمدة ثلاث شهور تقريبا وكانت الدوره مع الحبوب منتظمه والتبويض عندي الحمد لله ارتفعت نسبته ووقفته شهر عشان كنت بأنزل للسعوديه
ولما نزلت السعوديه نصحتني سلفتي اروح عند ممرخه لعل إن الله يكتب الشفاء على يدها بعد محاولات اقناع زوجي رحت عندها وقالت لي رحمك نازل ومايل على جنب
الحمد لله رفعته لي وحسيت براحه معد صار الم ظهري ولا الالم الي كان يجيني اثناء الجماع يجيني ولله الحمد
إجازتي كانت 14 يوم تقريبا رجعت منها وكانت الدوره راح تجيني يوم ثمانيه الشهر الي راح إنتظرت الدوره تجي بس ما جت ولكن بعد موعد الدوره بكم يوم نزلت مني افرازات بنيه لمدة سبعه ايام وبعدها وقفت وما كانت الافرازات كثيره مع العلم إن دورتي تجيني لمدة ثلاث ايام فقط بعد هالفتره او خلالها لاحظت كبر حجم صدري بدون الم مع ظهور حبيبات صغيره في منطقه الهاله المحيطه بحلمة الصدر والحبيبات مازالت لحد الحين وبعدها صداع فظيع كان زي كانه طاقيه على هامة الراس يروح ويجي ومازال لحد الآن يروح ويجي وانا الحين انتظر الدوره الي بعدها بس يابنات كان يجيني مغص زي مغص الدوره جاني هالمغص قبل موعد دورتي بأربعه ايام واليوم المفروض تنزلي الدوره ومانزلت مع اني يابنات نادرا ما اتألم من الدوره والمها ولله الحمد يكون بس في اليوم الاول
احس بغثيان فضيع وبس ابي انام والم زي النغزه او الشد جهة جنبي اليسار اسفل البطن وكمان إنتفاخ بسيط زي البلونه الصغيره اسفل بطني جهة الرحم
لاحظت إن فيه شعيرات دمويه حمرا وخضراء كثير في فخوذي وسيقاني
وجهي منتفخ كأني تعبانه وعيوني كأني تعبانه وشعري يتساقط بشكل رهيب
حللت في البيت قبل موعد دورتي بيومين تقريبا ولا حظت وجود خطين واحد غامق والثاني مره فاتح مو مواضح مره لدرجة اني جلست ساعه تقريبا كل عشر دقايق اروح اناظر وناديت جارتي الاثيوبيه يسعدها ربي ما ادري كيف فهمت علي هذيك اليوم لأن ضيعت الإنجليزي كله وقالت لي انها تشوف خطين زيي لانه يابنات كان مرررررررررررره خفيف اليوم الي بعده كان عندي موعد عند الدكتوره وقلتلها على كل شي فرحت قالت إنو هالعلامات إيجابيه وكلها تدل على حمل بس لما حللت طلع إنه سلبي وقالت لي انتظر كمان اسبوع واشوف بس زي الي انها قالت كذا عشان تهديني لاني قلت لها اني ما بغى اخذ حبوب تنزيل الدوره لاني عندي إحساس قوي إني حامل والله يا بنات إني تمنيت إن الارض تنشق وتبلعني ولا إني شفت دمعة زوجي لما تحطم بالنتيجه بنات انا عندي إحساس قوي إني حامل إنتو قريتو الاعراض الي عندي هل هي اعراض حمل وإلا انا اتوهم
آسفه طولت عليكم بس والله من الي فيني حسيت إني مجنونه وهم الصاحين