اللي عندها غسالة صحون تدخل الله يسعدها ...

[غفوره]

السلام عليكم ورحمة الله وبركاته ..

كيف حالكم يابنات وياحلوات وكروشات

قررت اشتري بأذن الله غسالة صحون كتير حواليني مايمدحو فيها مدري ليش مع انه ماعندهم غسالة صحون بس سدو نفسي وخوفوني

لكن مع حملي مررررررره باتعب من الوقوف واغسل المواعين مع اني توي متزوجه بس الكاسات والملاعق والصحون كتيره بتخرج وماحب ناكل في بلاستيك مررره مو حلوه

وبطني ماشاءالله كبرت وسارت تخبط في المجلى يعني مره انواع العزاب سرت اكره اكل او اطبخ عشان ما اغسل المواعين

حبيباتي المهم اللي عندها غسالة صحون تقلي ايش ماركتها وتشيل كتير ولالا

انا ابغا وحده مايهم سعرها المهم انها تغسل الدور الاول لوحده او تغسل كل شي سوى

وتغسل الصحون والملاعق والقدور

وايش القدور اللي ماتتغسل وتسودها وايش القدور اللي تغسلها

وان اشتريتها ايش احسن محل اخد منه وفين احطها

وهل انضف الصحن قبل ما ادخلو

وان في زخرفه دهبي او فضي بالصحن تتمسح ولالا ؟

وايش افضل نوع سمعت شي يقول ملح ومرش ومدري ايش ماني فاهمه شي يعني ايش الاساله اللي اسالها للرجال لما اشتريها

ابغا كل كل شي عنها وانا عارفه انكم كريمات بالنصايح وماحتخذلوني وربي يسعدكم اسفه طولت علييييكم

ورده لقلوبكم واسال الله ان يسعد وييسر امر كل وحده اتعنت وردت عليا

وصلى الله على سيدنا محمد وعلى اله وصحبه اجمعين