تجمع الامل المنشود للطفل المحبوب

[smhaa]

شوفو القصة دي
بجد اترت فيني كثير كثير
هي حافز قوووي لسعينا وراء الامل ان شاء الله


السلام عليكم ورحمة الله وبركاته
اولا احب احكى حكايتي انا كنت مخطوبة لابن خالتى وكنت ناوية اسيبه عشان كنت مش عايزاه من الاول المهم انا اتخطبت تقريبا 5 شهور وقبل الفرح بشهر انا كانت ناوية اسيبه فاتصل بيا فى الصبح وقالى احنا نسيب بعض انا اتخنقت اواى عشان ازاى هو اللى يقوله كدة المهم قولت له اية السبب قالى ان انا عملت تحاليل ولقيت نفسي مش ينفع اجيب عيال خالص لان عندى الحيوانات المنوية تقريبا 150000الف فقط المهم انا صعب عليا جدا من اللحظة دى فقررت ان اصلى صلاة استخارة لقيت نفسي بكلمه كويس جدا وخد صور التحاليل وروحت للدكتور بس للاسف قالى لو مافيش حب بينكم سيبى احسن عشان مافيش امل خالص انا صعب عليا عشان هو كان مجوز قبل كدة وقعد 9شهور بس يعنى لسة طالع من صدمة فقررت ان استمر معاه وربنا يكرمنى ويرزقنى عشان انا كدة مش هافترى عليه بعد الجواز باسبوعين روحنا للدكتور وقاله لازم تعمل عملية بس احنا هناخد علاج الاول عشان نحاول نحسن الحيونات المنوية شوية المهم خد العلاج لمدة 6 شهور ونزل فى الاجازة بتاعت الصيف روحت انا وهو للمركز تانى يوم والحمد لله اللى اكرمنى بالمركز دة انا حملت طبعا دة بعد ربنا سبحانه وتعالى خد علاج لمدة شهر ودة طبعا عشان البويضات تكون كتير الحمد لله هما لقحونى ب3 والحمد لله التلاتة نجحوا بس هما قالوا لازم نشيل واحد وانا دلوقتى الحمد لله معايا تواءم مازن وريناد عندهم سنتين وان شاء الله فى الصيف هروح اعمل العملية تانى عشان انا عندى 6 أجنة مجمدين