تكفون ابي حل مع زوجي

[احب التواضع]

السلام عليكم يااحلى بنات
انا يابنات اريد منكم حل لمشكلتي وسبق ان كتبت موضوع عن كيف اخلي زوجي يمشيني
وماقصرتوا اسعدتوني بردودكم واقتراحاتكم بس يابنات انا والله العظيم تعببببيييت ومليت
من ذللحاله خلاص يابنات ماعد تحملت كلمته تفاهمت معه بهدوء وبدون صراخ مانفع معه ابد
كأني انسانه ماعندي احساس ملزوم علي الجلوس في البيت ولايحتاج اطلع انبسط واغير جو
من الوحده والكبت اللي انا فيه ياحبايبي جلست معه وفهمته ان انا مايصير حياتي كذا لازم اطلع احس
باجازه الاسبوع وانا انسانه لوحدي في البيت واطفش وش يكون رده ؟ اوكيه صح لازم نطلع ان شاءالله ونغير جو
وبصير اخذ اللابتوب معي ونطلع منتزه عشان اذا عندي شغل اخلصه وبنطلع نتعشى برا احيانا قلت اوكيه مومشكله
اطلع بلابتوبك هذا معاك ومن يومها يابنات ولايقولي يالله نطلع إلا لمن اكلمه اني ابي اطلع يقول خلاص بنطلع الليله
نتعشى في مطعم ويابنات على طول من البيت للمطعم ومن المطعم للبيت باختصار دوامه الاسبوع اللي فات في الليل
لين الفجروعنده يومين بالاسبوع جامعه يطلع من العصر للجامعه وبعدها للعمل وانا في البيت انوااااااع الطفش ويقولي
انا خلاص لازم اخلص اشغالي من بحث تخرج وبحوث ثانيه بحكم انه اخر ترم له في الجامعه فيقول لازم اشد حيلي
والخميس والجمعه الجايه بقعد اخلص اشغالي وكأنه يقول اسمعي يعني لاتطلبين من طلعه ولاشي انا يابنات. بحكم
طيبتي وتقديري لظروفه اللي هو فيها قلت ماني طالبه منه طلعه ولاشي الخميس والجمعه هذي دامه مشغول واليوم الخميس شفته جالس يشتغل على بحوثه هذي قلت خلاص اكيد مشغول ولاهو بفاضي حتى يطلع هو المهم على اذان
العشا دخل الغرفه ولبس وطلعلي خلاص لابس وجاهز قال انا بروح اصلي واطلع للمكتبه وبعدها بطلع وطلع المهم
يابنات دقيت على واحده من صديقاتي قلت انتي فاضيه لوجيتك الحين قالت فاضيه دقيت عليه قبل يروح بعيد عشان يرجعلي يوديني لها ويرح قال انا بعيد ومقدر ارجع بتأخر مع الزحمه يعني لوقالي من قبل انه بيطلع كان قلتله بروح لصديقاتي وانت اطلع لأن انا ابغى اطلع في الوقت اللي هو بيطلع فيه عشان مااجلس طفشانه اذا هو موجود مومشكله بجلس ومومهم اطلع دامه معي وش صار فيني بعدما قالي مايمديني ارجع بكييييييييييت لين صدع راسي هههههههههههههههه لأحد يضحك علي ... من جد يابنات شي يقهر يعني لاهو قالي من بدري انه بيطلع عشان اكلم احد يجيني او اكلم احد اروحله وهذا هو جاي 12 ونص وجايبلي معاه كون زون يممممم ههههههههه بس ابغى اعرف كيف اتفاهم معه يعني تفاهمت بما فيه الكفايه يعني يابنات مايسير اقدر انا ظروفه من جهه وهو من جهه يطلع وينبسط وكنه يقول ماعندي ظروف ولاشي وانا بقوله ذالكلام بس مااستغني عنكم ابي تجاربكم ومساعدتكم
يابنات الشيطان معااااي ويقولي افجر مابداخلي عليه بس بتفاهم انا فاهمه كل شي يعني لابسوي صياح ولاشي بس بطلع اللي في قلبي وتصبحون على خير اعذروني طولت عليكم بس من حرة قلبي يابنات لاتنسوني
ومشكوريييييين