تعالوا احى لكم قصتى اليوم الى صارت بالمستشفى

[شهرزان]

السلام عليكم ورحمة الله وبركاته يابنات اليوم بكتب لكم قصتى ابدخل فى الموضوع على طول انامن شهر 4 اخذت تحويل من مركز صحى لمدينه الملك فهد الطبيه فى وحدة خادم الحرمين الشريفين لا تأخر الانجاب وعطونى موعد شهر6ورحت لااوال موعد واخذو منى تحليل وسوو لى كشف وفتحو لازوجى ملف فى اهلية العلاج واخذو منه تحليل دم وسائل منوى وقالو مع الدوره تجين تسوى تحليل للمبيض وسونار لرحم وقبل اسبوعين جتنى الدوره ورحت لهم وسويت كل شئ وقالو تجى يوم 25\7يعنى اليوم ورحت اليوم وقالو تحليلك كله سليمه والهرمون كويس والرحم كويس بس عندك ضعف فى المبايض وتحليل زوجك سليمه بس حنا منعالج الى فيهم امراض وراثيه ؟ للمعلوميه زوجى فيه فيروس بى فى الكبد من عشر سنين وهو فيه والحين خامد
المشكله انهم رفضوو العلاج قالو منعالجكم عندنا عشان المرض الى بزوجك وعطونى تحويل لمستشفى الملك فيصل التخصصى بالرياض انا اسأل ليش وش دخل مرض زوجى فى الحمل ؟وليش حولونى لتخصصى انا خايفه لايكون فيه شئ تانى وم قالولى ؟ والسؤال الاخير من الى رجعت فى التخصصي هل هو زين ولا واطفال الانابيب عندهم كيف وكل شئ بخصوص المستشفى لانى ةالله خايفه ومستغربه التحويل ؟ يابنات اعذرونى انى طولت عليكم بس والله مالى الاانتم وابى خبرتكم فى الموضوع وادعولى تكفون والله انى تعبت من تحويل الى تحويل وا لانتظار فى صالاتالانتظار وانا ارجع فى مستشفى حكومى عشان ضروفنا بعد ادعولى ياخواتى انا لى ثمان سنين محملت ولا قد حملت بحياتى نفسى بطفل والله انى اعيش معاناه م احد يدرى عنه واسفه اذا طولت عليكم وهذى قصتى وارجوكم ردو على لو بدعوه <الله يارب انك ترزقنى بالذريه الصالحه انا وكل من تريد من خواتى الى معى بالمنتدى ؛