أتمنى منكم المساعده.. بخصوص غذاء الاطفال.

[مشاعل الدوسري]

السلام عليكم ..


عزيزاتي

عندي مشكله مره منرفزتني و و موتره أعصابي ...


ولد زوجي صار له فتره ما يأكل كويس ..
تخيلو يبي بس يقضي يومه بلمشروبات حليب و عصير و ماي و اذا طلب يأكل قالي كاكاو و شيبس و كيك غير كذا ما يبي..


المهم منقبل رمضان و الحاله هذي معاه و الى الحين مرت فترة

اهدده اقوله تبي الايبود تتغدى ..

و جابت نتيجه لفتره معينه ..

فا صار يأكل بس عشان يبي جهاز الايبود و عشان ما احرمه من العابه ..


فا صار يأكل غصب عنه من غير ما اتكلم خوف انه بس يفقد العابه ..


المهم جيته بأسلوب ثاني ..

هو صار يقولي ابي اروح المدرسه و ابي اشتري شنطه و و و ..

أقوله اللي يروح المدرسه يفطر الصبح و يسمع لكلام و لازم يأكل عشان يصير بطل و كبير ..

و حتى اني حطيت له مقياس الطول قلت له كل ما تأكل و تشرب حليب ..

راح تطول و بكل مره اخذ طوله ..


المهم ..


وصلت حدي و ما اقدر اتحمل ..

البارح خليته لوحده حطيت له الغداء و قلت له يأكل شوي و يشرب شوي ..

أبي احسسه بلثقه ..

لكن هو سفطني و ما اكل و اعتمد على الشرب فقط شرب عصير كثير لحد ما استفرغ ..

زوجي يقولي لا تحطين له العصير خليه يأكل نص وجبته بعد كذا يشرب و يكمل اكل..

لكن اوقات اخاف و اقول ما يصير احط الاكل من غير شرب يعني حرام ..

و ممكن يحطها في باله الحين و في المستقبل لما يستوعب اني زوجة ابوه خياله الواسع ..

راح يخليه يفكر اني كنت احرمه من الشرب بوقت الأكل ووو معررروف خيال الاطفال واسع ..

و يقعد يحط بقلبه هذا اللي اخاف منه ..


المهم ..


اليوم استقعدت له قلت له بلا دلع و كلام فاضي بتأكل حتى لو تستفرغ و لو تبكي مو مشكله عندي المهم بتأكل ..

فا سويت له فطور و حطيته معاي و قلت له يلا انا و انت بنأكل ..

اكل شوي و بعدها كان يحاول يقوم ما يبي يأكل قلت له بأختصار

ما أكلت ما في تلفزيون و لا لعب و لا حلاوه و لا شي ..

خلاص بتجنني و عصبت عليه المفروض ما اعصب لكنه وترني مو عارفه كل شي اسوي له ..

و مو راضي يأكل



تخيلو لو ما اقوله شي يسفط من الصباح الى وقت المغرب على الساعه 6 يقولي ابي اكل و بوقتها بس

من 11 الصباح الى 6 يكون شرب علبة حليب المعلب و علبة عصير و شيبس و اوقات بس يقضي
يومه بلمشروبات ..


وزنه نقص كيلو و نص و شكله مرررررررررررررررره مو اوكي ..



و اذا قلنا له شنو تبي تأكل يقول بطاطس و همبرغر و عصير نعطيه اختيارات ثانيه و نوديه للمطعم مافي فايده نفس الطلب ..

تعبت و انا انوع له بلاكل بس ما يأكل

شهيته مره سيئه ..



اللي تقدر تساعدني و تفيدني ..



و هو عنده انيميا فول ... يعني محتاج للغذاء ..