أجهضت من شهر وحبيت افضفض

[ام يحيي الله يحميه]

السلام عليكم ورحمة الله حبيباتى
والله هنا الواحد بيجد متنفس لأحزانه لما يجد ان فى ناس كتير بتشاركوا فيها
أنا من شهر بالظبط أجهضت وكان عندى أمل كبير إنى أكون الشهر ده حامل:-(
بس سبحان الله إرادة الله فوق كل شئ
وفوجأة اليوم الصبح إن البيريوت شرفت
حاسة بغصة كبيرة فى حلقى حتى الدموع عبتنزل من عينى بالعافية:'(
اصعب شئ لما تكونى نفسك تحملى انتى وبنات كتير وكل البنات تحمل حواليكى وانتى لأ
وتبقى اعده بتتفرجى عليهم وبتتمنى تبقى زيهم:'(
بس سبحان الله لما البيريوت بتيجى والامل بيموت
بيرجع يصحى تانى لما ايام التبويض بتقرب
فعلا اصعب شئ فى الدنيا الانتظار
كل شهر بعد ايام التبويض ما بتخلص ببدأ اعد الايام وبيكون جوايا امل كبير اكون حامل الشهر اللى بعده بس سبحان الله لم يحن الاوان بعد
بس ثقتى بربى انه مخبيلى حاجة جميلة حتفرحنى اوى هيا اللى مصبرانى
عشان بجد رب الخير لا يأتى إلا بالخير