حبيت اقولكم قصتي للعبره والافاده

[galanoof]

اللهم لك الحمد ولك الشكر والله اني من الفرحه مب عارفه من وين ابداء المهم

كملت سنتين من بعد ما شلت اللولب الهرموني ومعاناتاة وصراع من ادويه وفحوصات وعمليه

عند دكتورتي الثقه وجان تفجر القنبله وتقولي على طول وانا في البنج انتي خلاص ما تقدرين

تحملين طبيعي لازم اطفال انابيب والله وحده يعلم بحالتي النفسيه وبعد العمليه بشهر تطلع

لي كتله من بين الرحم والمبايض بسبب العمليه وكان حجمها 5 سنتي واللي يقول لازم

عمليه ثانيه وقررت اسافر الاردن وفعلا رحت وللاسف كشف عليه الدكتور زيد الكيلاني وراويته

نتيجة العمليه وكشوفات واكد كلام دكتورتي بان الانابيب عندي تالفه ومسدوده ولكن الامل كان

دائما جدامي وايماني برب العالمين ورجعت من الاردن وبعدها ب15 يوم قررت اروح لبيت الله

وقلت يارب انت الرزاق وظني فيك كبير وانته ارحم الراحمين وحاجتي عندك وانت القادر وغيرك

ما يقدر ورجعت من العمره ورحت اجيك تخيلوا وقولوا ماشاء الله من 5 سنتي صارت 2


وبعد اسبوع اختفت تقريبا الحمد لله لحظه تعالوا ابغيكم تدعولي من قلبكم وتفرحون معاي

من بعد ما شهرين على اخر كشف وانا اقول يا رحيم يا كريم انا انتظر الفرج

تفاجات ان الدوره تاخرت عليه وطنشت وقلت يا حرمه صبري ولكن فيه شيء تقولي حللي وانا خايفه من ردت الفعل عليه المهم صبرت 4 ايام وحللت وطلع لي خطيييييييييييييين هيه خطييييييين ما صدقت قلت اكيد خربان ورحت اراوي ريلي قالي هذا خط والخط الثاني خفيف
قلته عادي انا اذكر بحملي ولدي طلع لي نفس الشيء جان اقوله ابغي اتاكد خلنا نسوي تحليل دم ورحت وطول الليل احاول اكون طبيعيه ولكن البال مشغول ومن الصبح اتصل العياده
وردت عليه الممرضه وقالت لي

مبروووووووووووووووووووووووووك انتي حاااااااااااااااااااامل والله ان عيوني دمعت وكنت ابغي اتصل واقول للدكتورة اللي قالي لي انتي انابيب عندج تالفه وخلاص ما تقدرين تحملين طبيعي وجان اسجد لله سجدة شكر
آآآآآآآآآآآآآآآآآآآآآآه اكرمك ياربي وهذي قصتي واتمنى من كل وحده قالوا لها انتي خلاص وما في امل ترى العلم عند رب العالمين والله ثم والله الدعاء وصدق الايمان بقدرة الله وانه ارحم الراحمين .............. اللهم لك الحمد ادعولي ان الله يثبت لي حملي ويسهل عليه حمله وولادة خووووووووووواتي وربي يرزق الجميع