عندي قرحة في الرحم ياليت تفيدوني

[أم صبا]

السلام عليكم ورحمة الله وبركاته
صباح \ مساء الخير
أنا حسيت بألم شديد قبل يومين اسفل بطني والألم احسوا كمان في ظهري من اسفل ومرة يتعبني الألم هذا ويزيد لمااطول في الجلسه اليوم زاد الألم زياده عن اللزوم وقررت خلااص انه لايطاق ورحت للدكتورة وكشفت عليا من اسفل لأنه قلت لها عالألم وانه عندي افرازات مخاطيه لها أكثر من شهر مو معقولة هذا كله تبويض وقالت لي عندك قرحة شديده بالرحم والتهابات وصديد هو مسبب لك هالإفرازات وانه هالقرحة سببها التهابات عندي وانا اهملتها ماعالجتها
بس لما سألتها هل تتعالج قالت لي مالها علاج القرحة الا الكي وأنا قرأت انه القرحه اللي سببها التهابات مع العلاج ان شاء الله تروح وامي قالت انه هيا برضوا عانت من هالقرحه وانه الدكتورة حقتها عطتها علاج والحمدلله راحت وانا بصراحه خايفة من الكي انا مااحب اروح لدكتورة النساء كله عشان لااكشف من تحت ماعدا وقت الولاده اكون مضطره غير كذا ماقد صارت معايا الحين صراحه منحرجه وخايفة ياريت اللي عانت من هالشي تقولي ايش صار معاها واذا القرحه راحت او لأ واللي جربت الكي تقول بأمانه يوجع ولا لأ وتوصف لي ألمه
والسموحه بنات طولت عليكم
مشكورين مقدما