السلام عليكم ورحمة الله تعالى وبركاته..اللهم صل وسلم وبارك على سيدنا وحبيبنا محمد صلى الله عليه وسلم..راح احكي لكم الأحداث اللي صارت معي والله يسعد ويرضى عن الراح تقولي ايش الي بيحصل معاي..حبيباتي انا متزوجة صارلي بالضبط سنة وأربعة شهور بداية زواجي عملت نظيم طبيعي لمدة3شهور لأسباب والحمدلله أول ماوقفت التنظيم حملت بنفس الشهر وربنا اراد انه النبض يتوقف في الاسبوع الحادي عشر وعملت عملية التنظيف في الأسبوع الخامس عشر المهم بعد ماعملت العملية جلست عند امي كم يوم عشان ارتاح وبعدها رجعت عند زوجي وقتها بدأموضوع غريب يصير معانا انا وزوجي أيام التبويض واللي ممكن يصير فيها حمل زوجي لايسستطيع القذف (عفوا على هالشرح)او باالأصح لا يستطيع الانتصاب أبدااا وسبحان الله اول ماتعدي ايام التبويض يرجع طبيعي جدا انا وزوجي قولنا يمكن الاجهاض اثر في نفسياتنا عشان كذا فقررنا نغير جو والحمد لله صرنا دايما نحاول نجدد ونطلع ونتونس مع اهلنا واقاربنا وانا انشغلت مع الجامعة وهو في شغله لكن للاسف صار هذا حالنا لمدة خمس شهور كل شهر ايام التبويض يتوقف كل شي وذهبنا انا وزوجي عند دكتور جدا ممتاز وعمل فحوصات وتحاليل وقال لزوجي تحاليك الحمد لله سليمة بل ممتازة اضافة الى صحة زوجي الجسمانية والحمد لله هو غير مدخن بعد ستة شهور خلاص حسيت انه ضاق صبري وصبر زوجي نسيت فكرة الحمل صار اهتمامنا بس نبغى نعرف ايش الي جالس يصير معانا اول مانعرف انه دي ايام التبويض يوقف كل شي واول ماتنتهي نرجع طبيعي جدااااا!!!!!!!!! المهم صرت ادعي واقرأ سورة البقرة في يوم رايت رؤية سمعت صوت وحدة تقولي يانورر الي هي انا روحي عند شيخ ورايت في دولاب زوجي مرشوش دم صحيت وخبرت زوجي بالحلم وسال عن شيخ واتصل وحكاله القصة قاله مايحتاج تجيني هذا سحر ربط وقالو العلاج اللي هو سبع ورقات سدر يخلطها مع موية ويقرا ايات معينة ويشربها ويغتسل بيها والحمد لله بالفعل زوجي نفذ العلاج وانا استمريت في الدعاء وسبحان الله في نفس الشهر حملت وللاسف بعد شهرين توقف النبض للمرة الثانية قبل شهرين وعملت نظيف ربنا يعظم اجرنا المهم سبحان رجع نفس الي كان يصير معانا في ايام التبويض زوجي لا يستطيع الانتصاب والقذف وصار شي جديد اصبح عندي جفاف مهبلي شديييييييد اثناء الجماع فيستحيل الأيلاج لانه جاف جدا....ماادري ايش الي جالس يصير حبيباتي اليوم عندنا انا وزوجي موعد مع الشيخ وخايفة في احد فهم ايش الي جالس يصير معي (اللهم اني مسني الضر وانت ارحم الراحمين)