دردشة بنات المغرب , دردشة حوامل المغرب , تجمع بنات المغرب

[Forgotten Rain]

المشاركة الأصلية كتبت بواسطة oumdarda2

لا يا خني نوال انا ما خديت والو من بداية الحمل ديالي ما خديت حتى فيتامين حتى فات فيا الفوت ودابا وليت نسخف ونطيح وقاتلني النعاس ودييما فيا التعب والخمول ومن مشيت هاد الاسبوع لقاوه ناقص بزاف ما سولتهاش شحال ولكن عطاتني ناخذ الحديد عن طريق الوريد لان ما بقاش عندي الوق باش عاد نتبع علاج ديال الكينات او حاجة اخرى انا كنت عارفة راسي ماشي طبيعية بقيت نتسالة شوية بشوية وهي كاتشوف فيا من تانقوليها شنو تانحس كاتعبرلي الظغط وتقولي عادي مع الحمل انا راني شاكة يمكن ما كانتش تشوف التحاليل كاع واقيلا كاتشوف غير اللي بغات عرفتي ياختي نوال البارح بقيت نبكي حسيت براسي ما بقيت قادرة ندير والو فشقا الدار وحسيت انني ماشي قد المسؤولية واخا راجلي مسكين متفهم وضعي وتايقولي علاش دابا كاتبكي ياك ما كنتيش هاكدا هي غير فترة وغادي دوز ولكن على قبل بنتي نتحمل ونصبر غير نشوفها هي فصحة جيدة .
ونسال الله يتمم على كل حامل على خير ويفكنا جميع على خير ويفرح كل منتظرة في القريب العاجل

salam khti laila maykoun basse 3andek wmaddiri fbalek walou rah ghir wwa9t mo3ayan wghadi yfout kifma gal lik rajlek wmab9a 9ed mafat

khoudi l7did kifma 3tawk w7awli t3awni rassek brra7a wlmakla w2incha2allah ghaterja3 lik el7ayawiya elli kanet 3andek wkolchi ghykoun mezyan incha2allah