شوفو خرابيط العجائز اش سوت في بنتي

[& ام الاء و ولاء &]

السلام عليكم
حبيت احكيلكم قصتي مشان ما تساوو كيفي و ترضو الناس على حساب صحة طفلك
انا بنتي عمرها 3اشهر لما كنت ببيتي كانت ماشاءالله عليها و بس رجعنا بالعطلة لبيت اهل زوجي صارت حماتي بتزن على راس جوزي و تقلو انها البنت ضعيفة مع اني اخذتها للطبيب و اكدلي انو وزنها ممتاز يس هي ما اقتنعت و ملت راس جوزي حتى صار معصب مني و يقلي اني لازم اسوي لبنتي متل ما بتقول امو و هيك صار حماتي(الدكتورة) راحت عملت خلطة فيها يانسون \حبة حلاوة\لوز\فستق\بوفريوة\لبان(صمغ الشجر)\حمص\و كتير اشياء و صارت كل صبح تعطيها ياه عالريق و من اول يوم صار معها اسهال و لما طلبت منها تبطل قالتلي لا عادي هذا وسخ بالامعاء و لازم يطلع و مر يوم و ثنين و فات اسبوع وقتها انا وقفت في وشا و وش جوزي و بطلت اعطيها الخليط بس حالتها اتدهورت و قوي معها الاسهال و لما اخذناها لطبيب الاطفال بهدلنا و وقتها بس اقتنع زوجي و اليوم عندها 14 يوم و صارت عيونها غائرة حسبي الله و نعم الوكيل و امبارح طلعت حرارتها و زوجي من احساسو بالذنب صار مهووس و ما ينام و الله صارت حالتنا بالويل و السبب الجهل و الاصرار عليه
انصحكم لا تساوو متلي و ادعو لبنوتتي بالشفاء