المساعده يا اهل الخبره و الحكمه ...

[caady]

السلام عليكم و رحمة الله و بركاته

كيفكم يا بنات عسى تكونون بخير و صحه و عافيه يارب

انا عندي مشكله بمفهومي و تفكيري اعتقد انها مشكله كبيره تواجهني و حاولت احلها اكثر من مره بس ما كنت انجح ... و اليوم انا طالبتكم تلاقون لي حل يساعدني و يطلعني من دوامتي ...


تزوجت من سنتين و نص تقريبا عندي ولدين ذكور (عبدالله سنه و خمس شهور ) (محمد شهرين و اسبوع ) ..

طبيعتي احب يكون مكاني نظيف و مرتب و اتعب كثير في التنظيف و الترتيب بوجود مسؤلية طفلين لسى ما بعد يفهمون للحياه ..

مشكلتي هي زوجي ..

غير متعاون معي في مسؤلية البيت و العيال يحب يشوف كل شي نظيف ومرتب بس بعد ما يهمه يكون المكان قذر و مافيه اي ترتيب بالعربي مطنش ... و الشي اللي مكرهني حياتي يبي كل شي بوقت واحد مثلا ..

انظف و اغسل الملابس و اهتم بالأطفال و أجلس اسولف معه ..؟!!

مع اني معطته كل الوقت اذا يبي يسولف ولا يناقش بس هو يبيني دوووم في وجهه ما اقوم و اذا قابلته و تركت شغلي جلس يلعب بالجوال

حاولت اصلح الموضوع بس فتره و ترجع حليمه لعادتها القديمه و كان كلامي ضاع بالهوا ..

ياليت اي وحده تواسيني مو شرط تعطيني حل لأني تعبت نفسياً و جسدياً ..


و مشكورين مقدما ..