نصائحكم الثمنية

[أنامل أنثى]

السلام عليكم ورحمة الله وبركاته

لي فتره طويله مادخلت هذا المنتدى الرائع وعدنا والعود احمد :)

ابارك لكل وحده هنا نجحت في عملية طفل الأنابيب ويرزق كل مقبله على اجرائها

قبل سنتين ونصف وكنت انتظر الحمل خمس سنوات رحت للأردن وسويت العمليه وبعد الترجيع مباشره الى المطار على اول ايام رمضان وانتظرت ليوم التحليل وصار سلبي والحمدلله على كل حال

طبعاً حالتي النفسيه الآن تعبانه مره لدرجه ساعات تطيح دمعتي مباشره لما اتذكر اني ما انجبت واحس اني وحيده والله يصلح الحال وييسر الامور امنت بالله وعليه توكلت ..

وانا الحين ناويه اسوي عمليه ثانيه بعد عدة شهور لكن محتاره بكذا حاجه :

اول استفسار وش تنصحوني اخذ حبوب او اي شي قبل العمليه بشهر او شهرين ،

ثاني حاجه انا محتاره مررره في المستشفيات اللي في الرياض ما ادري وش احسن مركز نسبة النجاح عندهم عاليه ،

كمان حبيت استفسر من اخواتي فيه حاجه خاصه انو صايره دورتي لازم يطلع قبلها بأيام لون بني وهذي المره نزل قبل الدوره لمدة اسبوع كامل وبعدين نزلت الدوره .. صراحه اقلقني هذا الموضوع ما ادري وش سالفة اللون هذا ؟

الله يجزاكم خير بنات جاوبوني على استفساراتي محتاجه نصائح لاعدمتكم دمتم في حفظ الله ورعايته ،،