زوجي و طمع اهله

[سلمى العمر]

السلام عليكم بنات، قصتي طويله تبدا من قبل ما اتزوج. كان زوجي متغرب و كل شهر يبعت لاهله اكثر من نصف راتبه على اساس هم متدايقين و هم ماشاء الله عايشين من اوسعه و الذهب عند حماتي يكفي تلات نسوان. رجع زوجي البلد و لا عنده بيت يسكنه سكن بالاجار بغرفه . بعد عده سنوات رجع سافر و تزوجنا. هنا انا ابتديت انق على البيت اخدنا بيت تقسيط و بعدنا ندفع بسعره. و بنفس الوقت ابن حمايي الي عمره 32 سنه عايش باوربا و على اساس ما يلاقي شغل صار زوجي يحوله مبلغ كبير كل شهر و هكذا على مدى 3 سنوات و نصف حوله مبلغ يكفي نسدد سعر بيتنا و طبعا لا دين و لا غيرو و لا حتى تسجيل. و كل ما زوجي يتدايق من الوضع امه تقله يا ابني دخيلك لا تترك اخوك. رجعنا البلد بعد اربع سنوات و سعر بيتنا ما سكرناه و عشنا عراتب زوجي القليل و اخوه خلال هالفتره كان يا دوب يتصل فينا، خلال هذين السنتين توفى عمي والد زوجي و زوجي تنازل عن كل حصته من الميراث لاخواته و امه مع ان وضعنا مش بزياده و بعدني حامل و نحتاج كتير حتى نأمن مستقبل اولادنا. الحين زوجي لاقى شغل كمان ببلد تاني و حنسافر قريبا و قبل ما نسافر ابتدت حماتي تقول لزوجي اخوك محتاج و ابعتله. هنا زوجي كان آخد قرض مشان يساعدنا بمصروف السفر قلها حابعته لاخي مع العلم هدا المبلغ ما يكفي يعيشه شهر باوربا. كتير خايفه بنات ارجع للغربه و ترجع حماتي تنق على زوجي يدعم اخوه ماديا مع العلم اخوه تزوج اجنبيه و عايش معاها. زوجي مش صغير صار بالخمسه و اربعين و بعدنا نجيب ولدنا الاول و نحتاج نأمن مستقبل اولادنا و دراستهم و الحياه كلما هي على اغلى. اللي يقهر ان زوجي تنازل عن حصته بالميراث. وقتها قلتله هذي حريتك تصطفل بس ما يعني تتنازل لاخواتك عن حصتك و يفضلو يسحبو منك فلوس. قلي لا. لكن حماتي مش راضيه تحل عننا ما قصتها غير ابنها الصغير المدلل اللي متدايق هو و مراته على فلوس . شو تنصحوني اعمل؟؟