اللهي لك الحمد ولدت وجبت نبض قلبي لينا

[ميوسة العراق]

السلام عليكم اللهم صلي على سيدنا محمد وعلى اله وصحبه وسلم ولدت يوم الخميس 18/7 مع اذان الظهر بعملية وكانت العملية شوية متعبة رحت الصبح الخميس معي زوجي وامة واخته واختي ودخلت الغرفة وانتظر موعدي اجت الماسير وكالت يلة تحضري اني تحضرت ونزلت لصالة العمليات وكنت بين الخوف والفرح واجت دكتورتي الله يرضى عليها واخذتني وكالت للماسيرات اهتمو بمريضتي ونيموني على شرير العملية واجه المخدر وسالني شوية اسئلة انتي هذا اول طفل كتله لا الثاني الاول توفى بيوم الولادة بسبب الضغط كال هسة ضغطج شوية صاعد موهواية كتله الحمد لله وبدة يحظرني وجاب الكمام كال رح تبدين تشعرين بدوخة وبس استنشقت حسيت بدوخة وكنت ادعي للكل كل واحد يخطر على بالي لحد ما اخذني البنج فقت من البنج واني اصيح مختنقة والمخدر ودكاترة فوق راسي واجهزة فوق راسي والسبب لان عندي ربو وكانو خالين اوكسجين ويفحصون تنفسي بعدها المخدر اسمعة كال خلص اتحسن نفسها وكنت احس بتحسن بنفسي كال خطية اهلها ظل بالهم لان كنت ثلاث ساعات واني جوة وهم جدا قلقين عليه طلعت واني اسمع زوجي واختي يكولون حمد لله على السلامة ام لينا وخلوني على سريري وكنت تقريبا صاحية وجابوا البنوتة وطبعا لان هاي اول فرحة بعد زواج خمس سنوات كنا مامصدقين الفرحة وبدت الهلاهل وزوجي ربي يخلي حاضني ويبكي واني ابكي اكولة معقولة حلمنا صار حقيقة يكول اي اجت لينا واجوا بقية الاهل والاصدقاء ووالمستشفى انقلبت ععلينا وكل ما اشوفها عيني تدمع واحمد ربي..هاي ملخص احداث عمليتي واعذروني عن الاخطاء لان كتبت عن طريق التلفون ....ربي لك الحمد لك الحمد لك الحمد....ويرزق كل محرومة هاي الفرحة وييسر امر كل حامل يارب