مش بيبص عليا

[زهره النيل]

اعذروني لو طولت عليكم
البدايه
الخطوبه

مدتها كانت سنتين وشويه هو شاب ملتزم دينيا الي جد كبير الفتره دي انا بنيت عليها كل احلامي كان رومانسي جدا لما كان ييجي يزوري في بيت اهلي مايشلش عينه من عليا ولو انا كلمته من غير ما ابص له كان يتعصب ويقوللي انت مبتقدرنيش المهم نص فتره الخطوبه كان شغله بمصر والنص التاني سافر لدوله خليجيه عشان يكون نفسه وبرده كان رومانسي جدا

الجواز

في الجواز مشاعي كلها اللي عمري ما بحت له بيها طلعتها وبزييييييييييييييييياده قوي وبقيت لما اكلمه ميبصش عليا ويقول لي انه مش قاصد اهاته ليا وحتي بعد ما بقي عندي منه ابن مقصرتش معاه يا بنات ده انا كنت بكتبله جوابات واحطهاله في القنيص قبل مايروح الشغل وابعت له رسايل علي الفيس وابص له وادلعه وهو عمره ما ييجي ويقوللي مثلا نفسي في حضن منك تعالي نقعد نتكلم مع بعض انت بتوحشيني لما ابعد عنك ولما نزلت اولد في مصر مقصرش معايا ماديا لكن اول لما وصلت مطار القاهره رنيت له عشان اطمنه ولما ركبت مع بابا واخوه السياره هو رن علي اخوه عشان يطمن ولنا وصلت البيت انا اللي كلمته علي النت وعدي يومين بعدها مكلمنيش ورحت لبيت اهله لقيته مكلم اخوه علي التليفون وعاوزه يفتح النت كلمته وقتها وعاتبته قاللي متبتديهاش بمشاكل
عدتها وقلت اهو منزلك تولدي عند اهلك لكن يقعد بالاربع والخمس ايام ميكلمنيش وانا حامل وعلي وش ولاده وبيخلص شغله الساعه 2 الظهر والنت عنده بالبيت وببلاش

بعد كده رجعت له بالولد وقابلني احسن مقابله لكن من تاني يوم رجع زي ما كان اكلمه ميبصليش طب ليه كان في الخطوبه غير كده
المهم بقالي يومين معاه الاجابه علي قد السؤال ومش ببص عليه وهعامله بنفس الطريقه عشان يحس قد ايه هي بتالم
انا مبقتش متقبله زوجي خاااااااااااااااالص