قصة ولادتي بنور عيني عبدالرحيم ♥

[ام عبد االرحيم]

السلام عليكم .. كيفكم يا حلوات .. كل عام وانتم بخير وينعاد عليكم بالخير والصحة يارب

ولدت بفضل الله ورحمته يوم 5 / 8 / 2013 الموافق 27 رمضان يوم الاثنين و طل علي الدنيا حبيبي الغالي ابني عبدالرحيم والحمدلله كانت ولادة متيسرة بفضل الله عز وجل والدعاء في اللياالي المباركة وخاصة الليالي الوترية من شهر رمضان المبارك .. قصة ولادتي كان عندي يوم الاحد موعد مع الدكتورة لان رحمي كان مفتوح 1 سم و لما رحت لموعدي يوم الاحد كشفت عليا ولقت الرحم مفتوح 3 سم وطلع معاها دم وقالتلي انتي حالة ولادة وعطتني ورقة دخول ليوم الاثنين الصبح وخوفتني لما قالت ان عضمة الحوض الامامية ضيقة احتمال عملية بس بتحاول معي طبيعي قبل.. رجعت علي البيت واناااااا خايفة مووووووت ما تصورت تقولي حالة ولادة .. فطرت انا وزوجي وبعدين قمت ارتب البيت وارتب نفسي وجهزت شنطتي وشنطة ابني و كانت ليلة 27 الحمدلله ربنا رزقني حضور صلاة التهجد في المسجد صليت ودعييييييت ربنا يسهلي امور ولادتي ويبعد عني العملية وطبعا بعد ما رجعت علي البيت ما قدرت انام من الخوف والتفكير .. قمت الساعة 8 ونص روشت و جهزت نفسي وقومت زوجي صليت استخارة ورحت علي المستشفى كملنا اجراءات الدخول علي الساعة 10 ونص وخدتني الممرضة ورحنا علي قسم الولادة لبسوني قاون الولادة و ركبولي التغدية و ظليت انتظر في الحجرة الى ان جت دكتورتي وقامت طربقت كيس البيبي وصبت عليا مية سخونة و كتيرة .. بعدها بربع ساعة تقريبا بدا معي طلق خفيف وصار يتقوى كل مرة و عطوني طلق صناعي وصرت اتوجع وجع قوي واحس بطني وظهري رح ينفصلوا من جسمي كان وجع قوي بس الحمدلله كان عنق الرحم يتوسع بسرعة وبعد ساعة ونصف من الطلق كشفت عليا القابلة ولقت الرحم مفتوح تماما وقالت يلا علي صالة الولادة واجت دكتورتي ولدتني والحمدلله خرج ابني الغالي ولما شفتوا نسيييييت كل التعب والالم وما صدقت اني صرت ام و لله الحمد .. والحين ولدي حبيبي عمره 3 ايام ربنا يحفظه ليا .. وهادي قصة ولادتي وعقبال لكل حامل يارب