بغار على زوجى من التليفزيون (حقيقه)

[سمسمه عمرو]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه ومن والاه اما بعد,,,
عندى مشكله يا بنات اتمنى تسمعونى وتفهمونى
*
*
*
انا بغير على زوجى من التليفزيون وخاصة ماتشات كرة القدرم
لان دى اكتر حاجه بتشد زوجى فى التليفزيون وبتخليه يبعد عنى
والله بحب زوجى جداً وعارفه انه بيكون سعيد جداً وهو بيتابع الماتش بس انا ما اعرفش بحس انى راكبنى عفاريت ساعة ما بشوف الماتش على اى قناة وزوجى بيتابعه
يااااااااااااااا ويلى
والله يا بنات بعمل حاجات زى المجانين
بطفى التليفزيون وبتخانق معاه كأنه بيخوننى
وبفصل سلك الكهرباء (زى الاطفال بالظبط)
وبتخانق معاه وببكى زى الاطفال
الموضوع كان شوى بسيط اول الجواز بس بعد الحمل زاد اوى اوى اوى
قولوا لى اعمل ايه؟؟؟؟؟؟؟؟؟؟؟؟؟؟؟؟؟
حاولت كتير اهدى نفسى بس بعد ما بتخانق مع زوجى بفضل ابكى لدرجة انى بحس بإنقطاع فى النفس (مش بقدر اخد نفسى خالص واحس انى هموت)
ولما الماتش بيخلص دااااااااااااااايماً برجع اعتذر له
وابكى زى الطفل اللى عامل عمله وبيصالح ابوه
تعبانه اوى من الموضوع دة
ممكن يكون فى نظركم تافه بس صدقونى الموضوع صعب اوى عليا
ياريت تتساعدونى بأفكاركم او حتى دعوه او اكتبوا اى شىء بس لا تقرؤا الموضوع وتمروا مرور الكرام
معلش تعبتكم وطولت عليكم بس بجد الموضوع مأثر فيا اوى