التحاليل سليمه وماكو حمل

[golden heart]

السلام عليكم
اولا احب اشكركم على المواضيع المطروحه والله كل يوم اقره مواضيعكم وحسيت اني لازم اسجل بالمنتدى على امل تفيدوني بخبرتكم
اني عمري 23 سنه ومتزوجه صارلي11 شهر وما اخذت اي مانع وصارلي 5 اشهر اراجع عند الدكاتره دكتوره عطتني كلوميد وصار عندي كيس والحمدالله راح
وسويت تحاليل هرمونات وطلعت كلهه سليمه و زوجي تحاليله كلهه سليمه وكل شهر اسوي سونار وارصد وقت الاباضه وحجم البيضه وكل شهر يطلع حجمهه حلو ومناسب
بس المشكله اني ما اكدر اصبر اني احب الاطفال وكل شهر من تجي الدوره-اجلكم الله- انقهر وابجي واضل يومين كلش مقهوره ونفسيتي كلش تعبانه مع العلم اني دائما استغفر ربي والله ودائما اسوي تسبيحات واقره قران بكثره بس ما اكدر ارتاح واكثر شي يأذيني عامل الضغط احنه بمجتمعاتنه كل واحد يشوفني لازم يسئلني و مع الاسف اني ما اكدر اصبر دا احاول بس كلش تعبانه الله وصلت مرحله دا افكر اسوي اطفال انابيب لان الانتظار راح يكتلني وسبحان الله حالتي النفسيه تزداد سوء اذا عدكم اي نصيحه تكدرون تقدموهه الي اكون شاكره وممنونه