إلى كل من جربت القيصري، تتفضل الله يسعدها

[Dracula]

السلام عليكم والرحمه


اتمنى الجميع بخير

حبيباتي انا بكريه، و قررت الدكتوره قيصري لان الجنين كبر والراس فوق

انا مؤمنه بقضاء الله وقدره، وعارفه انها خيره لي ولجنيني

بس حابه استفسر وياليت الكل يفيدني


1- تنصحوني بالبنج النصفي ولا الكامل، وغير كذا ايش سالفه القصدره، هل اقدر اطلبها بعد البنج؟؟
لاني من النوع اللي الابره تخوفني

وبعد ما اخلص من العمليه، متى ابدأ آكل يعني بعد كم ساعه، وايش اكل؟

ومتى اتحرك طبيعي، بعد العمليه بكم ساعه؟

2- كم يوم غالباً اقعد في المستشفى؟

3- المنطقه السفليه- العانه- بما اني قيصري، هل يتغير فيها شيء، كيف راح يكون وضعها؟
الاهتمام بها كيف، كان معايا الدوره او فيه شيء يختلف؟

4- كيف الاكل في ايام الاربعين، ايش الاشياء اللي اتجنبها غير الحوامض، والحليب؟

5- الربط، متى اقدر اربط بطني، خايفه من الكرش؟

6- اهتمامي بالجسم، عارفين اغلب المناطق متغير لونها وابي جدول اهتمام مناسب، اقدر احط كريمات عادي؟
او انتظر لما تنفك الغرز وابدأ احط؟
متى اتصرف عادي واحط زيوت وكريمات

الحمام المغربي بعد ما اخلص الاربعين و وضعي تمام، عادي اسويه؟؟






جزاكم الله خير
واللي عندها نصائح ياليت تفيدني بها

او غلطت اغلاط تنبهني عشان ما اكررها