لكل بنت. ...الله معاكي

[ضوء امل]

السلام عليكم ورحمه الله وركاته
كيف حالكم بنات ان شاء الله بخير
مأبغا اكتب اليوم استفسار ولاحاجه من كدا
ابغا اقول شعور وابغا اقول لكل بنت تحس بده الشعور (ربي سبحانه وتعالي مايضيع صبرك )
كل بنت تصحا الصباح وتتمني تصحي طفلها للمدرسه او تسوي حليب لرضيعها. ..الله معاكي
كل بنت تتمني وهي تسوي الغدا انها تهرس خضار عشان تاكل طفلها او تسوي الاكل الي يحبو طفلها الله معاكي
كل بنت لمن تدخل تستحمي تتخيل انها قاعده تغسل رضيعها وبعد التحمم تحطله البودره وتعطره بعطور الاطفال. ..الله معاكي
كل بنت وهي جالسه تتفرج تلفزيون تتمتي تفتح قناه اطفال عشان تسمع ضحكه طفلها وفرحتو. .الله معاكي
كل بنت تتمني لمن تخرج السوق انها تشتري ملابس لطفلها وتلبسو وتخرجو معاها وتلعبو العاب الاطفال. وتشوف ضحكتو ..الله معاكي
كل بنت تتمني انها لمن تحط راسها علي المخده انها تشوف طفلها نايم بالوسط بينها وبين زوجهاا وتقله وطي صوتك حتزعجو. .الله معاكي
كل بنت تكون طفشانه بالبيت ويكون زوجها برا البيت وماتسمع غير صوت هدوووء وتتمني من كل قلبها تسمع صوت بكيت طفلها وحتي حركتو ووجودو بالبيت حيخليها اسعد انسانه بالدنيا. ..الله معاكي
كل بنت تحلم انها حتكون حامل وتقوم وتتخيل انها حامل ولو شافت احد حامل تبكي وتتمني من قلبها انها تحمل في القريب العاجل. .الله معاكي
كل بنت قريت ده الكلام ولو جزء بسيط لمس قلبها ادعي لكل المحرومات ومن ضمنهم انا بالحمل القريب العاجل وكل دمعه ننزلها باذن الله ربي حيجازينا فيها كل خير فهو الرحيم بعباده
فيا رحيم ياكريم يأكرم الاكرمين ربنا لا تذرنا فردا وانت خير الوارثين