بنتي و الرضاعه

[حساويه عسل]

بسم الله الرحمن الرحيم

خواتي انا عندي بنتي الصغيره عمرها سنتين وثلاث شعور افكر حيل افطمها من الرضاعه لان صارت تفهم وتتكلم بس مشكلتي بالليل لازم لهايه ورضاعه وماتنام الا فيها وحده قالت لي حطي مر وحطيت وماشاءالله ماهمها شربتها وامي تهاوشني افطميها لمتى خلاص كبرت وام زوجي تقول مو بكيفيك ليش الحليب ابوك شاريه واحنا مانفطم لمن تكبر من نفسها للعلم عمتها تركت اللهايه بثاني ابتدائي واسنانها من قدام صارت بارزه حيل وانا احس فبنتي نفس الشي بدت اسنانها تتقدم اخذتها يوم ورميتها وصارت تصيح وراح ابوها وجاب ثننتين يقول خليها بس تسكت والله ماني فاهمه شي انا فبنتي الاولى امي ربتها لي وعلمتها على كل شي لمن صار عمرها سنتين اخذتها حتى حمام اعزكم الله تعلمت بسنه وخمس شهور لاكن بنتي الثانيه مدري اخاف اعطيها امي تعلمها واذا كبرت تقول مثل اختها انتي ماتحبيني ً احس تعبت تفكير مو عارفه عطوني افكار ايش اسوي معها كيف تترك ألهايه والرضاعه وتتعلم دخول الحمام والله احيان ابكي ليش اهلي زوجوني صغيره احس ماني مثل ألبناتت الي بعمري