افيدوووووووني بسسرعة هل العلامات الجديدة دي لها علاقة بالحمل ؟

[لن يسبقني إلى الله أحد]

اكيد متابعين وجع دماغي ليكم
كل شوية اسأل اسأل معلش ماليش غيركم بقى انا متغربة ولوحدي

بصوا هو لازم يعني الالم في الصدر والنغز وكده اصل انا باقي على دورتي 6 ايام والنهاردة صحيت من النوم كأن عندي ذكام وداخله على دور برد وحاسة دماغي مش موزونه خالص

وبعد ما قمت بشوية لقيت مغص جامد كأن البريود خلاص حتنزل والمغص اسفل بطني في الوسط مش زي البريود في كل البطن من فوق وتحت وحاسة بحاجات حتنزل ابص ملاقيش غير الافرازات البيضه الشفافه الكريمية دي
بس من شوية لقيتها بيضه بيضه زي بياض البيض ومش كتير يعني

ببص على صدري لقيت حلمات صدري فرشت يعني حجمها اعرض من الاول وبقت الين من الاول لكن اللون زي ما هو

مع صداع خفيف لا يكاد يذكر غير اني اشعر باني مريضه مش مظبوطه خالص
ودرجة الحرارة مش بتنزل عن 37.9 او 37.6

مش عارفة بقى دي بداية اعراض الحمل ولا ايه ولا بيتهيألي

بس بالنسبة لتغير في حجم الصدر مش حعرفه علشان صدري كبير جدا اصلا والبطن برضه مش ححس قوي لانها منفوخه لوحديها يعني سيبكم من العلامتين دول فاكسين عندي

ادعولي بالله عليكم كثير الايام دي اكون حامل