في الشهر الثامن ومرتفع الضغط :""(

[احتواء]

السلام عليكم ورحمة الله وبركاته



صباح الخير ع الجميع ،كيفكم وكيف الحمل معكم .. الله يسهل يارب ..


امس يابنات في مراجعتي المعتاده مع الدكتوره صرعتني ..

كنت رايحه اراجع زي كل مره .. وزي منتوا عارفين يقيسوا الضغط والوزن
ضغطي يوم قاسته الممرضه طلع ١٢٨ حلوو ووزني طلع ٨٢ وقبل اسبوعين كان
٧٩ يعني زدت خلال اسبوعين بس ثلاثه كيلوا ..
انا خفت قلت السالفه في شي احس موطبيعي يزيد وزني ثلاث كيلو خلال اسبوعين

دخلت ع الدكتوره ولما شافتني قالت تخنتتي كتير وجهك متنفخخ.. وعلى طول تسألني انتي
تكثرين موالح ؟؟ قلت لها لا اكلي عادي ..
تقولي معك صداع ؟؟ قلت لها لا ..

راحت اكشفت عالبيبي عالسونار وكل امور بنتي تمام ووزنها ١٦٠٠
قالت بالنسبه لعمرها شي كويس بس حبيبتي اهتمي بنفسك انتي
لاتكثرين موالح واهتمي بتغذيتك ..

قالت بقيس الضغط مره ثانيه .. وتقيس الدكتوره
مرتين قاسته واشوف وجهها متغيرر .. انا انصرعت خفت ..

تقول ماتخافيش بس بحولك للطواريء يقيسوا الضغط بالجهاز الالكتروني .
وسويلي تحليل دم وبول عشان اتأكد اذا فيك زلال بالبول او لا ..
تقول ضغطك مرتفع شوي

طلعت وانا مرتاعه خفت .. رحت عملت التحاليل ودخلت عالطواريء يقيسوا
الضغطط وحاولت قد مقدر مااتوترر وتوترت ..
قاسوه طلع ١٣١ واشوف الممرضه تتكلم مع الممرضه الثانيه بلغتهم وخفت زياده
ويقيسووا مره ثانيه طلع ١٤٥

مت خووف ... وتوترت .. هذا بعد انا مو ولاده .. مراجعه كذا وانصرعت كيف
لاجا يوم ولادتي ..

دخلت عالدكتوره وشفت وجهها وهي تكلمني ترعبني .. تقول انتي قستي وانتي خايفه
قلت لها توترت..
قالت مين في احد مزعلك بالبيت ؟! قلت لها لا .. تقول موكويس ضيقة الصدر
وانتي بكر ومو كويس لك ..
وبكتب لك على حبوب تنزيل الضغط خذي حبه باليوم
Aldomet 250

وعطتني موعد بعد اسبوع اذا شافته مرتفع بتزيد الجرعه
وهذاني رجعت وكتبت لكم طوالي ..

جسمي متنفخ يابنات ووجهي .. ورجولي كن قارصهم نامس ...
بحثت بالنت عن ارتفاع الضغط وخفت زياده انه يأثر عالجنين وعلى نموه
وممكن اني لاقدر الله افقده ..
مين مررت بهالتجربه زيي .. وكيف عملت لتنزيل الضغط ..
وش اككل وشنو اشرب عشان ضغطي ينزل ..



الله يسهل علينا يارب ولايحررمنا من شوفتهم