ام ل معاقتين واحلم بطفل سليم ربي لك الحمد

[× عَينَاءُ مَرضِيةُ ×]

السلام عليكم رحمة الله وبركاتة


انا عضوة جديده بينكم والله يجزاكم كل خير على هالمنتدى الرائع

ابحكيلكم قصتي انا ولله الحمد متزوجه من 6 سنوات تقريباً وعندي بنتين جبتهم ورا بعض 5 و4 سنين وكان حملهم تعب ومرض كل 9 شهور في المستشفى مغذيات لان الترجيع كان مستمر لدرجة اطلع دم من كثر الترجيع وكنت سمينه ومع الحمل نزل اكثر من نص وزني وماكنت اخذ فيتامينات ولا حامض الفوليك مع ان الدكتوره كتبته لي بس مع التعب ما قدرت وكنت اشم فقس وابو فاس عشان ارتاح ومدري ان كان هالشئ يضر الجنين او لا كنت مهمله الجنين وقتها واهم شئ راحت نفسي فكنت اشرب واكل اي شي اهم شئ يريحني هذا بغض النظر عن الأدوية والإبر اللي عطوني اياها لمى اتنوم وبالأخير في الحمل الثاني اكتشفت ان سبب هالتعب ان عندي جرثومة المعدة وتنشط مع الحمل تضاعفلي الترجيع والوحام وايضا قالو سبب نفسي الضيقه والنكد اللي كنت فيه
و نتيجة هالتعب بنتين
الكبيره عندها اعاقه سمعية وماتتكلم بسببها
والصغيره برضو عندها اعاقة سمعيه وما تتكلم + ضعف نظر + ضعف نمو + توحد

والحمد لله على كل حال راضيه

جلست 3 سنوات مسويه لولب وبعد ماكبروا وبعد الثلاث السنوات طحت وطاح اللولب و رحت ابسوي غيره قالتلي الدكتوره ان عندي التهابات وقرحه ماينفع لازم اتعالج منها عشان اسوي لولب جديد
بصراحه طنشت الأدويه قلت يمكن خيره راح تمنعني الإلتهابات والقرحه من الحمل و مولازم لولب
وجلست فتره استخدم عازل احتياط وبعدها وقفت وما استخدمت شي قلت القرحه معي ماراح يحدث حمل بإذن الله ...

كبروا بناتي شوي وصرت اشوف اختلاف بينهم وبين اللي في نفس اعمارهم طبعاً في الكلام
بنتي الكبيرى تقول ماما احيان قليله اما الصغيرة ماتتكلم ابد ....

صرت اغار من لمن اشوف قريباتي عيالهم يسولفون معهم وبدوا يجهزوهم للروضه وكذا وانا بناتي كنهم لسى اعمارهم شهور مايتكلمون ...

ابكي احيان واقول ماعاد ابي عيال يطلعون نفس الشئ ولأني ماقدر اسوي طفل انابيب او شئ من هالكلام وبعد شوي اهدأ واقول سبحان الله يمكن لو حملت هالمره يجيني ولد سليم معافى ...
صح نفسيتي تتعب لا طلعت وشفت مناظر الناس مع عيالهم وكذا بس لمى اهدأ احمد الله واقول انا راضيه وهذا ابتلاء واختبار لي

لاني زمان كنت مهمله نفسي ومهمله جنيني وقبل كل شئ مهمله صلاتي وصيامي وعلاقتي بربي بس اللي صارلي قربني من ربي كثير ولله الحمد ورضيت واقتنعت باللي عطاني ربي بالعكس ربي ما يبتلي الا العبد اللي يحبه والحمدلله على كل حال

ومن شهرين قررت احمل ظني بالله كبير اني احمل بولد سليم ويفرحني فيه رحت للمستشفى قلت اعالج الألتهابات والقرحه وبرضو طلع عندي كيس بالرحم وارتفاع في هرمون الحليب الحمد لله تعالجت منها كلها
واليوم رحت اشوف النتائج قالتلي كل شئ تمام صار بس عندي ضعف في التبويض وباقي عندي القرحه ما راحت

اعطتني ادوية ... دواء زيترون + دواء دياميل +دوفاستون + تحاميل ألبوتيل

وقالت اجيها ثاني يوم الدورة تسوي لي كي للقرحة


الحين ابغى نصايحكم حبايبي..اسألتي::
_هل ممكن احمل وعندي قرحه كبيرة ؟
-وكيف احاول احمل بطفل سليم بعد ارادة الله كيف اقاوم الوحام المتعب وكيف اخلي نفسيتي تمام واحافظ على جنيني ؟
-ممكن تحسبولي يوم التبويض لان دورة مو منتظمه وملخلبطه انا دورتي يوم 3 /4 /1435في هالهشر وخلصت يوم 4/7/ 1435 متى يكون التبويض عندي ؟
- هل الكي ما منه اثار ؟
-وش تنصحوني ؟


واخيراً طولت عليكم ادري بس والله محتاجه كلامكم ونصائحكم وتجاربكم
يارب من ترد علي وتطمن قلبي ربي يسعدة دنيا واخر