مقبلات سهلة و سريعة التحضير

[basouma26]

اليوم جبت الكم مقبلات خفيفة و سريعة التحضير و الطعم و لا الذ


اولا راح نبدا بهاد المقبلة الخفيفة

حبة بطاطا مقلية + سيقان سلق( سبانخ ) مغليين حتى يطيبوا ونقطعهم رقيق



صدر دجاج مقطع صغير و مقلي في ملعقتين زيت ملعقة كبيرة خل ملح وفلفل اسود وثوم ورند(اوراق موسى ) بدون اضافة الماء على نار هادئة راح يطلق الصوص




بعد ما يقلى الدجاج نضيف له البطاطا والسلق ونقليهم شوية يتشربوا الصوص لكن ما نخلوها تنشف




من جهة اخرى نحضر 5 بيضات + ملعقة كبيرة فرينة + ملعقة كبيرة حليب سائل + ملعقة صغيرة خميرة الحلويات + كسبرة وملح وثوم ونخلط كل شيء



نحضر مول المادلان ( الكب كيك ) ونضع فيه ورق الزبدة وندهن الحواف بالزيت



نسكب نصف الخليط ونضع قطع جبن



ثم نغطي بباقي الخليط



والى الفرن حتى تنضج

نحضر صوص حارة وهي حبة طماطم وقرن فلفل حار



نطحنهم في المولينكس ونضيف لهم زيت وملح وثوم ونخليهم ينضجو حتى تنشف الصوص




الطبق جاهز امممممممممممممممم ريحته تشهي روعة



الان نجي للتزييين
نسلق بيضتين ننزع الصفار ونضيف له الجبن والمايونيز ونخلطوا مليح ونحطه في قمع التزيين
والبياض نقسمه شرائح




والصور توضح







نروح للمقبلة الثانية

الرولي المالح


اسكالوب او لحم مرحي كل واحد و اختياره



ملعقة كبيرة بصل + ثوم + زيت + طماطم حب ومصبرة وهريسة + فلفل حار مقطع + كسبرة وملح وفلفل اسود وكمون وجوزة الطيب على نار هادية اكيد مع الاسكالوب المرحي حتى نضج و تشرب مليح



جهزي زيتون اخضر مقطع دوائر + وريقات كسبرة + جبن في كيس مثقوب للتزييين



اخفقي ثلاث بيضات + ملعقة قهوة فرينة + قبضة خميرة كيميائية + ملح
فلفل اسود جوزة الطيب و كسبرة مقطعة رقيق
سخني مقلاة تيفال او شواية وادهنيها بالزيت و انقصي النار واسكبي خليط البيض بمجرد ما ينشف ضعي الجبن السائل ثم اللحم ثم الجبن السائل ولفي













حطيه في صحن اقسميه مثل الرولي وزيني بالجبن السائل ودوائر الزيتون ووريقات الكسبرة



و هذه النتيجة النهائية :





ملاحظة : لازم كمية اللحم تكون كثيرة حتى الرولي يجي مرتفع وشكله جميل .



و المقبلة الثالثة

غراتان الخضر


طبق غراتان الخضر صحي ولذيذ وسهل التحضير

نحتاج بطاطا وقرع اخضر مقطعين دوائر



نقليهم ونضعهم جانبا



لوبيا مغلية وطماطم وفلفل حار وثوم بيض و جبن



نغلي اللوبيا مليح حتى تطيب ثم نضعها في مقلاة ونضيف ملعقتين كبيرتين زيت ملح فلفل ااسود ونذبلها




نضيف لها الطماطم والفلفل والثوم ونواصل التقليب



نكسر البيضات ونضيف الجبن والكسبرة وشوية ملح



نخلط جميع المكونات



نضعها في قالب الفرن دون دهنه ونضع حبات زيتون من فوق
يمكنك اضافة البيشمال تكون النتيجة الذ
ندخلها الفرن



وبعد خروجها نزينها بالجبن السائل ووردة بالطماطم ونقسمها وتقدم هكذا




منقووووووووول لعيونكم الحلوة