الله يبشرهآ بالفرح كل من تدخل موضوعي وتدعي لي ..

[سهر 123]

بالبدايه يابنات انا من زمان اتابع المنتدى الجميل هذا .. بس ماكنت مسجله كنت بس متابعه ومطبقه لكل الطرق والخلطات عشان الحمل

بس ربي ماكتب لي الحممل
والحمدلله على كل حال

أنا الحين بكمل خمس سنوات ماكتب لي ربي الحمل .. وكلكم عارفين نظرات الناس وكلامهم ! مع اني زوجي مايحب يبين لي بس انا حاسه فيه

الحمدلله مداومه على الاستغفار وصلاة القيام والصدقه والرقيه
رحنا مستشفيات وسوينا كل شي يطلع بيدينا نسويه وكانت النتائج سليممه
بس شهر من الشهور قالو بطانة الرحم سمكها 7 وعطوني ادويه ومن كم شهر تركت المستشفيات .. مليت

الحين يابنات باقي على دورتي 10 ايام وكنت احس بألم بالمبيض الايسر شديد ايام التبويض وحصل جماع قبلها وبعدها بيوم بس وماحصل شي لأن زوجي مسافر

وبعد ماراحت ايام التبويض جاني صداع وألم بالظهر وثقل بجسمي كله .. فرحت جاني احساس انه حمل بأذن الله بس قبل يومين جاني التهاب بالبول والمسالك وانخفض الضغط وأخذت ادويه وسويت اشعه بعدها فقدت الأمل ان يكون هالشهر فيه حمل وقلت اكيد الاعراض اللي حسيتها من الالتهاب والحين بدا يوجعني مكان المبيض الايسر وقالت لي وحده يمكن تبويض متأخر وضاق صدري لأن زوجي مسافر فتحطمت احلامي مع أن الأمل والثقه بالله موجوده الى الان


تكفون بنات طلبتكم .. تدعون لي في صلاتكم في قيامكم الليل لعل وحده منكم مستجاب دعاها
ادعوا لي احمل بولد سليم معافى يعينني انا وأبوه في أمور ديننا ودنيانا

أعلم أن الله الذي فلق البحر لموسسى وأوجد لنوح البحر من عدم وأنجى يونس من بطن الحوت قادر على كل شي وقادر على ان يرزقني بالحمل عاجلا غير اجل برحممته

والله اني ادعي لكل وحده اشوف موضوعها قبل اسجل هنا
ابي منكم تدعوني وتنطقون الدعوه قبل تكتبونها عشان تكسبون الاجر
وتدعون لي بصلاتكم ماتنسوني


الله يبشر كل من دخلت موضوعي ورفعته بدعوه منها بالفرح وبتحقيق امنياتها وأن لايبقي لها هما ولاحزنا ولاضيقا ولاسقما الا فرجه لها رب العالمين