تجمع المتأخرات عن الحمل بالطفل الثاني .. { يارب أجبر خواطرنا} -- العدد 2 --

[أحمد حبيبي]

المشاركة الأصلية كتبت بواسطة دلوعة بالحيل

الحمدلله على قضاء الله و قدره
نزلت الدوره بموعدها
والله يعوض صبري خير
وان شاء الله الشهر الجاي يكون خير
الحمدلله على كل حال
ربي لا تذرني فردا وانت خير الوارثين

دلوعــة ..الله يعوضج العوض الطيب بحمل سليم عقب هالدورة ان شاء الله .. وتنزل الدورة بموعدها افضل من انها ماتنزل وتتاخر وتخليج على اعصابج ^_^

المشاركة الأصلية كتبت بواسطة flora

الحمد لله وانا هالشهر كنت كتوقعة اكون حامل لان كنت بعيدة عن زوجي فترة طويلة جدا.بس للاسف نزلت دورتي من يومين قلت الخير فيما اختاره الله

فلــورا .. الحمدلله مثل ما قلتي الخيرة فيما اختاره الله .. ان شاء الله عقب هالدورة ماتشوفينها الا وانتي في النفاس يارب .. الله يوفقج

المشاركة الأصلية كتبت بواسطة ناعسة العين

السلام عليكم
حابه انضم اليكم بكل سرور
عمري 34
لي سنتين ونص متزوجه وعمر ولدي 10 شهور
وحابه احمل علشان عمري
وعندي كيس مائي لخبط لي الدورة
وكنت ماشيه ع عزل طبيعي

والله يبشر الجميع ويرزقكم يارب ويجبر خواطر الكل بالحمل

ناعســـة .. مرحبا بج الغالية في تجمعنا الجميييل .. ان شاء الله تحملين قريب .. وعمرج صغير ترى بس الأفضل تحملين الحينه مثل ما قلتي .. أهم شي تعالجين الكيس وتتأكدين انه مافيه شي غيره يمنع الحمل وهذا طبعا بعد ما تحاولين تحملين طبيعي مرة مرتين .. الله يوفقج يارب

المشاركة الأصلية كتبت بواسطة غفران شكران

يا رب يفرح قلوبكم وتآخوا لأولاد كم وبناتكم ان شاء الله والله احيانا الرغبة في الطفل الثاني تكون أشد من انتظار المولد الاول الله يجبر خواطرنا جميعا ونحمل للمرة الثانية ان ام لطفل بعد عشر سنين من الحرمان وهو الان عمره سنتين ونصف وأمنيتي أجيب اخوه او اخته وأسعد قلبه والله لا ضرر من انتظار الفرج ولكن سنين المراة لا تتوقف و للأسف الزمن لا ينتظر


الله يرزق كل منتظرة حمل ثاني في القريب العاجل ولا يخلي احد محروم
ادعو لي حبيباتي الغاليات والله يكرمكن بالمثل

اختكم غفران

غفــران .. اللي رزقنا مرة قااااادر سبحانه يرزقنا مرة ومرات بعد .. نحن نتوكل على الله وناخذ بالاسباب ونؤمن برحمة مسبب الأسباب .. نسعى وراضين بقضا الله علينا وواثقين برحمته وعطفه انه بيرزقنا .. الله خلقنا ومابينسانا ان شاء الله .. ان شاء الله حبيبتي تحملين مرة ثانية وتبشرينا يارب .. تعالي بما انج مختبرجية نسبة هرمون الحليب 20 تعتبر مرتفعة ؟!!

المشاركة الأصلية كتبت بواسطة ام روزي ويوسف

السلام عليكم
الف اهلآ وسهلآ بالاخوات الي انظموا للتجمع ربي يرزق كل وحده ما تتمناه
اسفه صار فتره مو داخله التجمع كانت نفسيتي تعبانه بسبب ابني ، كان عنده فحص دوري وشكوا عنده ضعف بصر، راح للفحص وطلع عنده استكماتزم، ولو ان الدرجه مو كبيره بس لازم يلبس نظارات للمستقبل.الحمد لله على كل حال. بعد ما صار موضوع ابني ضليت افكر بالحمل مو حابه اجيب اولاد فيهم علل ، استغفر الله العظيم لان هذا وراثي. على العموم الدوره باقيلها كم يوم البارحه سويت تحاليل يوم 20 من الدوره وموعدي مع طبيبتي بعد كم يوم احتمال اول يوم من الدوره. حاسه بألم موطبيعي بالمبيض الايمن وفي بطني . مو متفائله لان في ايام التبويض صار عندي جفاف هذي اول مره تصير عندي هذي الحاله. سلامي للجميع

ام يوســـف .. سلامة يسوفي ألف سلامة.. ماعليه شر ان شاء الله .. اذا كنتي ماخذه اي منشط ترى آلام المبايض منهم عادي لاتحاتين .. ان شاء الله تروحين للطبيبة وتتطمنين وتطمنينا يارب .. بخصوص الجفاف انا كنت آخذ حبوب هواية ممتازة اسمها حبوب زهرة الربيع المسائية evening primrose oil تزيد الافرازات حتى بعض الطبيبات يوصفونها للحريم .. اسئلي طبيبتج عنها اذا تناسبج خذيها .. الله يرزقج ويوفقج يارب

المشاركة الأصلية كتبت بواسطة A_A

السلام عليكم ..
أرجوا ان تقبلوا إنضمامي إليكم برحابة صدر ..

عندي بنوته عمرها سنتين .. وحابه أحمل لكن للحين ماكتب لي رب العالمين ..

الشهر هذا ماشرفت الدوره وتأخرت أسبوع بالضبط .. وكل التحاليل سالب مع الأسف

وأول مره تتأخر معاي كذا وقبل ثلاث شهور عندي كيس وعالجت الحمدلله
وبعدها قبل شهر صار تكيس واستخدمت هاي كروم واسبرين اطفال بعدها ماشرفت

وكنت ماخذه كلوميد استخدمها مع الدوره لكن للحين ماشفتها ..

وقلقه ايش سبب هالتأخير :(

A_A .. هلا ومرحبا بج حبيبتي معانا في التجمع .. الله يباركلج في بنتج يارب ويرزقج بأخ او أخت لها قريبا جدا .. شوفي مدام كان عندج تكيّس قبل يمكن لاااااا قدر الله رجع لانه ما يأخر الدورة الا التكيس وارتفاع هرمون الحليب هذا اذا كان مافيه حمل .. فبدال الحيرة روحي للدكتورة واطمني .. الله يوفقج يارب