توقف النبض بالشهر الرابع

[شعشوعه]

السلام عليكم كيف حالكم بعد انقطاع فتره والحمد لله على كل حال انا كنت حامل بشهر الرابع يوم الخميس رحت للمستشفى نزل دم اسود خفيف وخفت اول مره يصير كذا بحملي ورحت للدكتورة قالت بسوي لك سونار نتطمن وسويت وقالت الجنين متوقف النبض وكان كل شي عندي سليم والحمدلله على كل حال وقالت اصبري اسبوع اذا مانزل من نفسه لازم تروحي للمستشفى وسبحان الله جاني طلق صباح الجمعه ونزل الجنين فالبيت بس جاني نزيف قوي لدرجة فقدت الوعي ينزل مني قطع كبيره مرره وراى بعض وعلى طول رحت للمستشفى الحبيب فرع الريان اسعاف وماشاءالله على الله ثم عليهم عنايتهم مره حلوه وعلى طول اهتمو فيني وقالو انتي نزفتي كثير فالبيت ماتحتاجين عملية تنظيف عطوني طلق صناعيه وتحاميل عشان يطلع البقايا الموجوده فالرحم والدكتوره حاولت تنظف بيدها لين الحمدلله نظفت وتنومة يوم واحد عندهم والحمدلله انا الحين احسن يالله لك الحمد يارب على نعمة العافيه وربي يعوضني خير وكل من يتمنى يارب بس اللي محيري ليش توقف النبض ايش السبب المستشفى يقولون كلش سليم مافي اسباب !!؟ والله خايفه الله يستر من ايش وهذا ثالث حمل لي الحمل الاول والثاني الحمدلله تم الحمل كل شي سليم بس الثالث اللي صار معي كذا والحمد على كل حال واللهم اجرني في مصيبتي وخلفني خيرا منها وانا لله وانا اليه راجعون وحسبي الله ونعم الوكيل. ..