ما اعرف شو اقول بس فيني صيحه !!

[اصدق النيه]

السلام عليكم ورحمه الله




هلا خواتي الغاليات انا اسفه عالازعاج بس ماعندي غيركم من بعد الله
انا عايشه روحي بعيد عن اهلي وزوجي في الشغل والتفكير ذابحني

انا من شهر حملت وكان حمل ضعيف ونزل الحمل بعد استخدام الدوفاستون ب 5 ايام
ونزل علي دم غزير والم فظييييع جدا كنت اصيح منه ( الله يعوضني )

انا الحمدلله الدوره منتظمه عندي كل 28 يوم وتخترب مرات لاني قبل كان عندي زياده نشاط الغده الدرقيه وسويت عمليه وشلتها كلها والحين اخذ بديل الهرمون (التروكسين) كل يوم الحمدلله انتظمت الغده واموري طيبه
بس مرات يصير خلل وتخترب الدورة بس ان طولت تنزل في اليوم 32
واخر دوره كانت 21 -06-2014 وتطهرت تاريخ 27-06-2014 قبل رمضان بيوم وللحين مايت الدوره ومن ايام التبويض وبعد الجماع وانا احس بنغزات في المبايض لليوم ومن اليوم 18 للدوره مسكني الم مب طبيعي في صدري وكنت ما اتحمله وهاليومين خف شوي
واليوم سويت فحص المنزلي قبل الفطور وطلع خط وليتني ماسويت على طول صياح ونزلت دمعتي
اعرف اني اتكلم كثير بس الله شاهد اني نفسيتي تعبانه ومب عارفه شو اسوي ؟
من بعد الله مالي حد غيركم افضفض له
ادعولي بالذريه الصالحه والحمل في هذا الشهر ..

ادعولي لعلكم الى الله اقرب