مشكلة في حساب بداية الحمل من الدورة الشهرية

[bino]

السلام عليكم ورحمه الله وبركاته
كيفكم حوامل ان شاء الله كلكم بخير ..
ح ادش ف الموضوع دايركت
انا بنت مغتربه عمري 19 ولسا مافهم شي بالحمل رغم اني اقرآ واتثقف بس اليوم صدمتني الدكتوره في حاجه .. اليوم اول موعد لي عند دكتوره سعوديه باستراليا سآلتني متى اخر يوم دوره قلت لها 28 رمضان وحسبت عمر البيبي قالت 7 اسابيع طيب .. لما كشفت علي سونار تقول لي مافي كيس (فايلد برغننسي ) ! شلون قالت نتآكد نسوي كشف مهبلي سوينا كشف مهبلي ،ضلت تدوره وطلع الا تقول لي مافي نبض وحجمه صغير ب النسبه لعمره ننتظر اسبوع اذا ماطلع نبض بيعملون لي تنظيف رجعت وانا مغبوووونه واحس في شي غلط ب الموضوع ! ضليت افكر ،سبحان تذكرت حاجه انو بعد تاريخ دورتي تقريبا ايام العيد 3 او 4 شوال حللت تحليل حمل طلع ماكو حللت بعد فتره تاريخ 9 او 10 ماكو ! يعني ماحصل حمل من بعد الدوره لآن ماكنت اعرف متى تبويضي ومتى الوقت المناسب يكون في جماع ،بعده متى اسوي تحليل فآهمين علي ! ف بدايه شوال ماكنت حامل وكنت احس بعد تاريخ 13 صار تلقيح اعراض كانت تجيني الم صدر ،دوخه ارهاق بعدين حللت في تاريخ 17 تحليل دم وبول وطلع حامل ... طيب ابيكم تقنعوني او تفهموني هل يكون تلقيح البويضه في اسبوعين واكثر !( اللي اهو من بدايه العيد لين 17 ) ؟؟؟؟ ومين صارت له ه المشكله ؟؟؟؟ وكيف تعامل معها ! ومع العلم حسبت من تاريخ التبويض طلع عمر البيبي اربع اسابيع يعني بعده مايكتمل او تطلع دقات قلبه انا اعترف اني غلطت ماقلت لها لاني والله نسيت ،كمان هم الدكاتره مايخذو وقت التلقيح لان هذا الشي من علم الله ماحد يدري متى صار بس انا متآكده اني ماكنت حامل بدايه الشهر .. الهاجس لعب فيني ابي حد يطمني :(


وسوري ع الطواله اعذروني م عندي حد افضفض له