فطائر الجبن والنعناع
![](http://rawya1.files.wordpress.com/2013/05/img_7900-1.jpg?w=540&h=359)
حشوة الفطائر هنا بتعجبكم أكيد خليط الجبن مع النعناع شي لذيذ..
بالإضافة إلى العجينة الهشة..
وهذي العجينة اللي معتمدتها بالفطائر..
العجينة فيها عسل..
عشان كذا كثير سألوني عن طعم العسل فيها..
كمية العسل قليله يعني طعمة ماراح يكون واضح..
ولو كان واضح بالنسبة لفطائر جبن بيطلع لها طعم مميز وحلو..
عموماً لو مو حابينه تقدرون تستبدلونة بملعقة كبيرة سكر..
***
![](http://rawya1.files.wordpress.com/2013/05/img_7885-1.jpg?w=540&h=359)
المقادير..
للعجينة..
1 ملعقة كبيرة عسل
1 1/4 كاس ماء دافيء
1 ملعقة كبيرة خميرة فورية
3 3/4 كاس طحين
1 ملعقة صغيرة ملح
2 ملعقة كبيرة زيت زيتون
للحشوة..
1/2 كأس حلوم مبشور
1/2 كأس موزاريلا مبشور
ربع كأس نعناع مفروم
1 ملعقة كبيرة نعناع مجفف
بقدونس مفروم ( حسب الرغبة)
صفار بيضة
الطريقة..
نذوب العسل بنصف كمية الماء الدافيء
ونضيفلهم الخميرة ونذوبها ونتركهم لمدة عشر دقايق..
نخلط الطحين والملح ونضيفلهم خليط الخميرة وباقي الماء وزيت الزيتون ونعجنهم زين
نشكل العجين على شكل كورة وندهنها بالزيت ونتركها تتخمر لمدة 40 دقيقية
نشكل العجينة ونحشيها ونخليها تخمر 40 دقيقة ثانية..
ندهنها ببيضة ونحط على الوجة سمسم مع حبة البركة
أو على حسب الرغبة..
ندخلها الفرن على درجة 180 / 350 حتى تتحمر ..
لذيذه مره بس كنت اغير بالحشوات
وبالعافية..