مشكله حساسه

[تونا]

احتاج مساعده وحل لمشكلتي , اول مره اتكلم في الموضوع اتمنى تساعدوني

صارلي متزوجه سنه ونص تقريبا وعمري 26 و لا حملت
قبل الزواج عملت تحليل هرمون الحليب والغده الدرقيه وهرمون الذكوره وكانت النتائج سليمه و الحمد لله
الدوره عندي منتظمه ,و احس بالتبويض في كل شهر بكل اعراضه , ولا اعتقد ان عندي تكيس لاني نحيفه ولا عندي كرش

المشكله في الاغلب من زوجي عنده ضعف , في بدايه زواجي كانت تصير العلاقه بيننا مره او مرتين في الشهر , بس الشهور الاخيره صارت مره كل شهرين او اكثر
فيه حاجه غريبه كمان لما ينزل زوجي السائل ينزل برا ,لازم نفرش تحتنا فرشه حتى ما نوسخ السرير ,ما اعرف اذا هذا الشيء طبيعي او لا ؟
عنده كمان مشكله سرعه القذف ,في اقل من دقيقه ,صعب العلاقه عليه مره ويتعب فيها
انا شاكه اني لسى بنت بس مش متأكده

زوجي لمحلي اني انا اروح واكشف واشوف ايش المشكله , هو شايف ان هو طبيعي
ومستغرب ليش ما حملت , عذره في قله مرات العلاقه انه تعب ودوام مو بسبب مشكله ,مع انو حتى في الاجازات نفس الوضع

هو متحمس للحمل يمكن حتى اكثر مني , واصلا العلاقه بيننا تكون بسبب الحمل فقط يعني لو احمل بيرتاح ويفتك

ما اعرف كيف افتح معاه الموضوع واقنعه يكشف و هو مقتنع انو طبيعي و مستحيل يعترف
ما اعرف ايش اقوله بالزبط ,المشكله حتى اذا راح للدكتور ماحيقوله الصراحه لانه مو مقتنع انو عنده مشكله

الموضوع جدا حساس ولا ينفع التلميح لاني لمحت اكثر من مره ولا فهم

ايش التحاليل الي يطلبها الدكتور من الزوج ؟ واذا الدكتور سأل الزوج عن العلاقه اذا طبيعيه و منتظمه او لا وكذب و جاوب طبيعيه ,فيه تحليل يوضح ويبين العكس ؟
اخاف يكذب فطبعا ماحيعطيه الدكتور علاج

اذا انا رحت لدكتوره تطلب من الزوج الكشف ؟
مجبوره اروح معاه و اكشف على نفسي مع اني خايفه تديني منشطات و العب في هرموناتي

مين تعرفون دكتور او دكتوره كويس في جده وما عنده زحمه ؟
انا و زوجي نكشف عند نفس الدكتور او غير؟
ايش التحاليل المطلوبه ؟ ومتى انسب وقت للتحليل ؟ بعد الدوره او خلالها ؟
لازم اعيد تحاليل الهرمونات اذا مر عليها اكثر من سنتين؟

و ايش التحاليل المطلوبه من الزوج ؟