عصير الجزر.عصير الفراوله

[υм вtℓαα]

عصير الجزر:

عصير الجزر غني بفيتامين أ , مفيد للنظر وتألق البشره يكسبها لون مشمشي ..

لو تلاحظون عصارتي من أيام مولينكس يوم كان لونه بني وبيج , والحمدلله مازالت سليمه عندنا , لنا أكثر من 22 سنه وحنا نكرفها كرف , ومانستغنى عن عصير الجزر ..وأكيد لها أستخدامات أخرى ( تفاح , عنب ... إلخ ) .

طبعا يبيلك عصاره خاصه بالجزر، وافضل وقت لشرب الجزر هالموسم تكون حبات الجزر كبيره وعصارتها غنيه وطعمها حلو..

ملاحظه :

هالعصير بالغالب أستخدمه بحمية الديتوكس بما أنه pure , بأذن الله راح أنزلها قريباً , بس تقل برودة الجو .. بذاك الوقت راجعوا هالموضوع .

المقادير:

جزر فقط

الطريقه:

يغسل الجزر جيداً من الأتربه ، ويفرك قشره بالفرشه او قومي بتقشيره.

يقطع الجزر بالنصف حتى يتسع للعصاره.

نضع الجز حبه حبه بالعصاره

طبعا لاتنسين تحطين الكاسه عشان نستخلص العصاره ، وراح تروح الألياف في حاوية الفضلات.

واشربيه من غير إضافات

بالهناء والعافيه ..

عصير الفراوله

ايضاً عصير الفراوله حبيت اصلحه بما انه موسم فراوله

4 اكواب فراوله مغسوله ومنزوعة الورق .

2 بيالة شاي سكر

2كوب ماء( ممكن استبدال الماء بالحليب)

قليل من الثلج

الطريقه:

أضيفي المقادير في الخلاط واخلطي

وبالعافيه على

قلوبكم