اول شي مرحبا،،،،
انا ام لانا صديقة جديدة لإلكم من فلسطين ،،،، اتمنى انكم تقبلوني معكم في هادا المنتدى الجميل جدا والمفيد ايضا،،، حابة احكي عن تجربتي مع الولادة المبكرة وشو صار بعدها اتمنى تسمعوني ،،
انا حملت تقريبا بعد سنة من زواجي حمل طبيعي والحمد لله رب العالمين وكانت فترة حملي جميلة جدا وكنت مرتاحة بالحمل والحمد لله بدون اي مشاكل بدأت اتعب بالشهر السابع تقريبا رحت للطبيب وكان يقولي انو ماء الجنين كثيرة وهادا اللي مخليني تعبانة كتير واحتمال اتعرض للولادة المبكرة واحتمال لاء ما اخدت ببالي كتير وتوكلت على الله وكان يجيني الم خفيف جدا بالضهر فقط،،، بعد هيك تقريبا وصلت لنصف الشهر الثامن وصدفة كنت رايحة اطمن عالبيبي وما كان معي اي الم عندما كشف علي الطبيب طلب منى فحص داخلي لانو شك بشي بالسونار ولما كشف علي لاقيني بحالة ولادة عاجلة والحمد لله وحولني عالمستشفى لان الوضع كان خطير والبيبي نازل وفعلا ما مضى عليا نصف ساعه حتى كنت والدة ولادة طبيعية وكانت البيبي بنوته وزنها 1500جرام وطبعا انا قمت بالسلامة ولانا ضلت بالحضانة وكان في البداية الدكاترة يطمئننونا على وضعها الصحي ولكن بعد مرور14 يوما تفاجأنا بان المستشفى تكلمنا وتقولنا انو البنت توفت والحمد لله على كل شئ وقالو تعبت كتير لانها بالتامن والاجهزة مش مكتملة عندها الله يرحمها ويتمم على كل الحوامل حملهم بالخير والسلامة وقالو االاطباء انو سبب الولادة ماء الجنين الكثيرة والحمد لله عكل شي هادا حكايتي وانشالله تستفيدون منها